Եվրոպայում շոգ եղանակի պատճառով մահացածների թիվն աճել է

Ֆրանսիայում ծայրահեղ շոգը հանգեցրել է մահվան դեպքերի աճի: Երկրի առողջապահության նախարար Ստեֆանի Ռիստը հայտնել է, որ իշխանությունները մշակել են արտակարգ գործողությունների ծրագրեր Փարիզի և շրջակա տարածքների բոլոր հիվանդանոցների համար։ Այդ մասին տեղեկացնում է «Արմենպրես»-ը՝ վկայակոչելով BBC-ին։

Միևնույն ժամանակ, Մարսելում մահացել է 18 ամսական երեխա, որը գտնվել է մեքենայում: Սա Ֆրանսիայում նման առաջին դեպքը չէ. չորեքշաբթի օրը երեք տարեկան երեխան նույնպես մահացել էր մեքենայում, իսկ երկուշաբթի օրը նմանատիպ ողբերգություն էր տեղի ունեցել երկու փոքր երեխաների հետ հարավային Կարպենտրա քաղաքում։

Շոգի ալիքի սկսվելուց ի վեր՝ Ֆրանսիայում խեղդվել է 55 մարդ, որոնց երկու երրորդը լողում էր ջրային տարածքներում, որտեղ փրկարարներն անհասանելի էին։

Կիրակիից հինգշաբթի ընկած ժամանակահատվածում Իսպանիայում բարձր ջերմաստիճանից մահացել է 327 մարդ։ Այնուամենայնիվ, Իսպանիայում շոգի ալիքն արդեն սկսել է նվազել։

Միևնույն ժամանակ, Շվեյցարիայի սառցադաշտերն ուսումնասիրող գիտնականները հայտնել են, որ մինչև երկուշաբթի օրը ձմռան ընթացքում այնտեղ կուտակված ամբողջ սառույցը, հավանաբար, կհալվի։ Շվեյցարիայում շոգ եղանակ գրանցվում է օգոստոսին, սակայն գիտնականները զգուշացրել են, որ սառցադաշտերի հալման ներկայիս տեմպը նույնքան բարձր է, որքան 2022 թվականին, երբ գրանցվել էին պատմության մեջ ամենաբարձր տեմպերը։

Այս թեմայով Հանրապետության առանձին շրջաններում սպասվում է կարճատև անձրև և ամպրոպ Երևանում սեպտեմբերի 15-19-ին սպասվում է առանց տեղումների եղանակ Մոլորակը սեպտեմբերին ջերմաստիճանային նոր ռեկորդի է մոտենում Սեպտեմբերի 15-ին ջերմաստիճանը կհասնի մինչև +35-ի Հանրապետությունում սպասվում է առանց տեղումների եղանակ