Ով էր օգնել Արթուր Ասրյանին՝ «Կուկուին», որ սպաներ Չաղ Ռուստամի հորը․ Սերգեյ Գրիգորյանի՝ «Ֆազի» վրեժը

Այսօր ՀՀ քննչական կոմիտեն պաշտոնապես հայտնեց, որ հատկապես կարևոր գործերի քննության գլխավոր վարչության մարդու դեմ ուղղված հանցագործությունների քննության վարչությունում ավարտվել է Ռուստամ Ստեփանյանի հոր սպանության դեպքի առթիվ նախաձեռնված քրեական վարույթի նախաքննությունը:

Նախաքննության ընթացքում առերևույթ փաստական տվյալներ են ձեռք բերվել այն մասին, որ 2025 թվականի դեկտեմբերի 31-ին Կոմիտասի պողոտայի 44 շենքի բակում անհայտ անձը տարբեր հրազեններով կրակոցներ է արձակել «Toyota» մակնիշի ավտոմեքենայի վարորդ Ռ.Ս.-ի ուղղությամբ և դիմել փախուստի, ինչի հետևանքով վերջինս տեղափոխվել է հիվանդանոց և ստացած հրազենային վնասվածքներից մահացել։ Քրեական վարույթի շրջանակում իրականացված մեծածավալ վարութային և ապացուցողական գործողությունների, ինչպես նաև ձեռնարկված օպերատիվ-հետախուզական միջոցառումների արդյունքում պարզվել է, որ Ռոբերտ Ստեփանյանի սպանությունը Ա.Խ.-ի օժանդակությամբ կատարել է դատապարտված Արթուր Ասրյանը («Կուկ»), որը տնային կալանքի տակ գտնվելով, պոկել էր պրոբացիայի սարքը և նոր տարվա գիշերը գնացել էր Կոմիտասի պողոտայի 44 շենքի բակ, որտեղ ապրում էր Չաղ Ռուսատմի հայրը ու սպանել նրան:

ArmLur.am-ին հասած լուրերի՝ Արթուր Ասրյանը, սպանելով ՉաղՌուստամի հորը՝ Ռոբերտ Ստեփանյանին, վրեժ էր լուծել քրեական հեղինակություն Ֆազի՝ Սերգեյ Գրիգորյանի սպանության համար․ վենդետա:

Հիշեցնենք, որ 2024 թվականին հունիսի 11-ին Երևանի Շինարարների փողոցում, Գրիգորյանին սպանել էին իր իսկ մեքենայում: Այս սպանության գործով տնային կալանքի տակ է հեղինակություն Ռուստամ Ստեփանյանը՝ Չաղ Ռուստամը: Եվ ահա Սերգեյ Գրիգորյանի սպանությունից մեկ տարի անց սպանեցին Չաղ Ռուսատմի հորը՝ Ռոբերտ Ստեփանյանին, իր շենքի բակում:

Արդյունյքում, քննիչի միջնորդության հիման վրա հսկող դատախազի կողմից Արթուր Ասրյանի նկատմամբ հարուցվել է հանրային քրեական հետապնդում՝ Քրեական օրենսգրքի 155-րդ հոդվածի 1-ին մասով (սպանությունը), 335-րդ հոդվածի 1-ին մասով (հրազենի և ռազմամթերքի ապօրինի շրջանառությունը) և 264-րդ հոդվածի 1-ին մասով (գույքը ոչնչացնելը կամ վնասելը), իսկ Ա.Խ.-ի նկատմամբ` 46-155-րդ հոդվածի 1-ին մասով (սպանությանն օժանդակելը):

Արթուր Ասրյանի նկատմամբ որպես խափանման միջոց կիրառվել է կալանքը, իսկ Ա.Խ.-ի վերաբերյալ կայացվել է կալանավորման որոշում և հայտարարվել հետախուզում: Ա.Ս.-ի վերաբերյալ քրեական վարույթը մեղադրական եզրակացությամբ ուղարկվել է հսկող դատախազին:

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Ինչպես փաՌատոները վերածվեցին փաՐատոների... Ա՛խ...ամենացավոտ հարցը տվեցիք. Սպորտի լեգենդի վերջին հարցազրույցը Կյանքից հեռացել է «Արարատ-73»-ի ֆուտբոլիստ Սերգեյ Պողոսյանը