ԱՄՆ-ն կրճատում է իր ռազմական ներկայությունը Եվրոպայում՝ վախենալով Ռուսաստանի հետ լարվածության սրացումից. The Economist

ԱՄՆ-ն կրճատում է իր ռազմական ներկայությունը Եվրոպայում՝ վախենալով Ռուսաստանի հետ լարվածության սրացումից, ենթադրում է The Economist-ը։

ԱՄՆ վարչակազմը ցուցաբերում է ավելի զգույշ մոտեցում ՆԱՏՕ-ի եվրոպական դաշնակիցների, մասնավորապես՝ Բալթյան երկրների անվտանգության ապահովման գործում ռազմական ներգրավվածության նկատմամբ՝ վկայակոչելով Ռուսաստանի հետ հարաբերություններում հետագա սրման ռիսկը։
ԱՄՆ վարչակազմի պաշտոնյաները դաշնակիցներին հստակեցրել են, որ ձգտում են խուսափել սցենարներից, որոնք կարող են հանգեցնել Ռուսաստանի հետ ուղղակի ռազմական բախման։ Նկատվում է Վաշինգտոնի մոտեցման փոփոխություն Եվրոպայի անվտանգության հարցերում։
Այս միտման հաստատումներից մեկը Պենտագոնի որոշումն էր՝ տարածաշրջանից դուրս բերել ամերիկյան տանկային բրիգադը։ Հրատարակությունը նշում է, որ ներկայումս հայտնի չէ, թե արդյոք այն կփոխարինվի մեկ այլ ստորաբաժանումով։
Ըստ ամսագրի՝ ՆԱՏՕ-ի եվրոպական երկրները շարունակում են ամրապնդել իրենց պաշտպանական կարողությունները։ Մասնավորապես, Գերմանիան Լիտվա է տեղակայել 45-րդ տանկային բրիգադը։ Միևնույն ժամանակ, նշվում է, որ եվրոպացի դաշնակիցները շարունակում են մեծապես կախված լինել ամերիկյան հետախուզական կարողություններից, արբանյակային համակարգերից, հակաօդային պաշտպանության համակարգերից և հեռահար զենքերից, որոնք կարևոր դեր են խաղում դաշինքի անվտանգության ճարտարապետության մեջ։

Տե´ս նաեւ https://t.me/iravunk/69208 

Այս թեմայով The New York Times. ԱՄՆ-ն հսկայական ճնշում է գործադրում Թուրքիայի և Իրաքի վրա՝ Իրանի սահմանը փակելու համար ԱՄՆ-ն Ռուսաստանին խնդրում է առաջարկել Եվրոպայի հետ նոր անվտանգության համաձայնագիր Ֆրանսիան վախենում է Ռուսաստանի հետ միջուկային պատերազմից՝ գերմանական հեռահար հրթիռների պատճառով. Financial Times Զելենսկի. ԱՄՆ-ն պահանջում է Ուկրաինայի զինված ուժերի դուրսբերումը Դոնբասից ԱՄՆ-ում Ռուսաստանի դեսպան Ալեքսանդր Դարչիևը մահացել է