Ըննդիմությունը, որ նամուս ունենա կաշառքով ստացած մանդատները չի վերցնի, բայց դե նամուսն ուր՝ ընդդիմությունը ուր․Գագիկ Մելքոնյան

Հայաստանի Սահմանադրական դատարանը մերժել է ընտրությունների արդյունքներն անվավեր ճանաչելու մասին քաղաքական կուսակցությունների հայցը։ Վճիռն ընթերցել է ՍԴ նախագահ Արման Դիլանյանը։ ՍԴ վճռի համաձայն՝ ԿԸՀ 259 Ա որոշումը «թողնվում է ուժի մեջ»։ Որոշումը վերջնական է և բողոքարկման ենթակա չէ։

ՍԴ-ն շատ ճիշտ եւ օրինական վճիռ կայացրեց, ինչը ցույց է տալիս, որ ապրում ենք ժողովրդացար երկրում, որտեղ ժողովրդի ճնշող մեծամասնության կարծիքը բեկման ենթակա չէ։ Ըննդիմությունը, որ նամուս ունենա կաշառքով ստացած մանդատները չի վերցնի, բայց դե նամուսն ուր՝ ընդդիմությունը ուր,-«Իրավունքի»  հետ զրույցում ասաց «Քաղաքացիական պայմանագիր» խմբակցության պատգամավոր ԳԱԳԻԿ ՄԵԼՔՈՆՅԱՆԸ․

-Նույն ընդդիմությունն է գալիս, ինչն ունեինք։ ԱԺ 8-րդ գումարման Ազգային ժողովը ավելի արդյունավետ կլիներ, եթե ունենար ընդդիմություն, բայց մենք ընդդիմություն չունեցանք, ունեցանք պարգեւավճարի համար իրենց ճղող ընդդիմություն։ Ըննդիմություն, որը ծառայում էր այլ երկրի շահերի համար, ԱԺ-ն դարձրել էին դրսԻց հրահանգներ ստանալու եւ դրանք ամբիոնից բարձրաձայնելու մի վայր։ Ցավոք, նույնը վերաբերում է նորընտիր ընդդիմադիրներին։ Սրանց հայրենիք, պետություն պետք չի, սրանք ավելի շատ Ռուսաստանի համար էին իրենց կոտորում , քան սեփական ժողովրդի բարեկեցության համար։ Հիմա ՍԴ-ն իր որոշմամբ տվեց դրսի շահը ներկայացնող ընդդիմության տեղը։ Դուք չեք պատկերացնում, թե ինչ թշնամանք կա այս ընդդմության մեջ հայ ժողովրդի հանդեպ։ Եկած-չեկած ասում էին խրամատ ենք փորելու, է տենց էլ արեցին, խրամատից դուրս չեկան հինգ տարվա մեջ՝ մենակ մեկ-մեկ ամբիոնից ծկլատում էին ու վերջ։ Հիմա էլ էս նորելուկներն են նույնը անելու, բան չի փոխվելու վստահ եմ։

Անդրադառնալով ՌԴ-ի կողմից արտահանումների սահմանափակումներին Գագիկ Մելքոնյանը նկատում է․

-Ռուսաստանում եթե խելացի դիվանագետներ լինեին, ընդհակառակը՝ պիտի ամեն ինչ այստեղ էժանացնեին, բերեին ժողովրդին ցույց տային, որ մենք ձեր ախպերներն ենք, գազը 380-ով էինք տալիս, հիմի դարձնում ենք 250, նավթ ուղարկեր մի քանի ցիստեռ էժան, որն Ադրբեջանն է ուղարկում, ոչ թե դնեինք նեղացած էրեխու պես՝ փակում ենք ու վերջ, է փակեք․․․Մենք կարող ենք մի տարի էլ ծիրանով ապրել, կուշտ կուտենք` թող չտանեն, մի տարուց հետո կտեսնեք, որ Ռուսաստանը կխնդրի, որ իրա երկիր ծիրան տանենք, պոմիդոր ու հատկապես՝ վարունգ․ վարունգի առաջարկը շատ է։

2020 թվականին մեր ժողովուրդը սկսեց ատել Ռուսաստանին, մինչեւ 2020 թվականը մեր ամբողջ անվտանգությունը կառուցել էինք ՌԴ-ի հիմքի վրա, ասում էինք ռուսները մեր փրկիչներն են, հենց ՌԴ դրոշը երեւաց Վարդենիսի վրա, ադրբեջանցիք կփախչեն մինչեւ Կիրովաբադ, բայց եղավ հակառակը ադրբեջանցիք հայտնվեցին, ռուսները փախան։ Ա՛յ, դրանից հետո ժողովուրդն ատեց նրանց, իսկ Ղարաբաղը հանձնելուց հետո, եթե Ռուսաստանն ամեն ինչ էժանացներ ու Լարսում խցանումներ չստեղծեր, ժողովուրդը կկարծեր, թե նրանք իրոք դաշնակիցներ են, որոնք փոշմանել են իրենց արածների համար, ոչ թե մեզ վախեցնեին իրենց սահմանափակումներով։ Փառք Աստծո Եվրոպան կա ու կա։

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ