Հայազգի հայտնի տենորի որդին մուտք է գործել փարիզյան պրոֆեսիոնալ թատերաշխարհ

Դավիթ Էլբակյանը՝ հայտնի տենոր Ռուբեն Էլբակյանի որդին, փայլուն մուտք է գործել փարիզյան պրոֆեսիոնալ թատերական աշխարհ՝ մարմնավորելով Էդմոնդի կերպարը՝ Ուիլյամ Շեքսպիրի անմահ «Լիր արքա» ողբերգության բեմականացման մեջ։ Նա այսօր արդեն պարզապես խոստումնալից երիտասարդ դերասան չէ, այլ իսկական հայտնություն։ Նրա լուսավոր բեմական ներկայությունը, դերասանական խաղի բնական նրբագեղությունն ու ծնված արվեստագետին բնորոշ ազնվական կեցվածքը անմիջապես գերեցին հանդիսատեսին։ Կասկածից վեր է, որ նոր աստղ է ծագում։

Թեև Դավիթը կրում է մեծ համբավ ունեցող ազգանուն, նա վստահորեն կառուցում է իր ստեղծագործական ուղին՝ առաջին հերթին ապավինելով սեփական տաղանդին, անսահման աշխատասիրությանը և արվեստին նվիրվածությանը։ Նրա մասին առանձնահատուկ գնահատանքով է խոսում նաև տաղանդավոր բեմադրիչ Ֆրանսուա-Քսավիե Բուշերակը, ով նշում է․ «Նա յուրաքանչյուր բեմադրիչի երազած դերասանն է։ Ես հիանում եմ նրա ներքին ուժով, զգայունությամբ և աշխատանքի հանդեպ բացառիկ նվիրումով»։

Թող այս խոստումնալից ստեղծագործական արշալույսը դառնա երկար, հարուստ և փայլուն դերասանական ուղու նախերգանքը այս գեղեցիկ և տաղանդավոր երիտասարդ դերասանի համար, ով կրթություն է ստացել Փարիզի հեղինակավոր «Cours Cochet-Delavene» թատերական դպրոցում, որի շրջանավարտների թվում են ֆրանսիական թատրոնի և կինոյի այնպիսի մեծանուն արվեստագետներ, ինչպիսիք են Ժերար Դեպարդիեն, Ֆաբրիս Լյուկինին և Կարոլ Բուկեն։

Այս թեմայով «Ժողովուրդ». ՔՊ նախընտրական ցուցակից հեռացված Դավիթ Դանիելյան կցել են Կապանի ընտրություններին Այդ ե՞րբ է պետականություն գաղափարը մտահոգել փողոցով եւ փողոցից եկածներին... «Ուժեղ Հայաստանի» գյումրեցի պատգամավորը խնայեց մարզպետին Առաջին օրից ասել եմ՝ եկեք լինենք բարեկիրթ, բայց եթե չլինեք՝ «ակն ընդ ական, ատամն ընդ ատաման» Էդգար Ղազարյանի գլխից մի մազ չի պակասել, և դա իմ շնորհիվ ա. Ռուբեն Ռուբինյան