Ուկրաինական պատերազմը հասավ ծայրահեղ վտանգավոր կետի

ԱՄՆ ան­կա­խութ­յան օ­րը կա­յա­ցած ­Պու­տի­նի եւ Թ­րամ­փի 1,5 ժա­մա­նոց հե­ռա­խո­սազ­րույ­ցից հետ Թ­րամ­փը, ինչ­պես եւ են­թադ­րե­լի էր, միան­գա­մից ակ­տի­վաց­րեց ուկ­րաի­նա­կան թե­ման: Իր հայ­տա­րա­րութ­յուն­նե­րում նա հա­սավ այն մտքին, որ` իր գնա­հատ­մամբ՝ Ուկ­րաի­նա­յում հա­կա­մար­տութ­յու­նը շատ ա­վե­լի մոտ է ա­վար­տին, քան ըն­դուն­ված է կար­ծել։ ԱՄՆ նա­խա­գա­հը նաեւ հայ­տա­րա­րեց, որ հա­կա­մար­տութ­յան կար­գա­վոր­ման հար­ցը կլի­նի ՆԱՏՕ-ի ա­ռա­ջի­կա գա­գաթ­ա­ժո­ղո­վում քննարկ­ման թե­մա­նե­րից մե­կը: Ընդ ո­րում, այդ շրջա­նակ­նե­րում հան­դի­պում կու­նե­նա նաեւ ­Զե­լենս­կու հետ, ա­պա կզան­գա­հա­րի ­Պու­տի­նին:

Ակ­նար­կը սա է. ե­թե մինչ այդ եվ­րո­պա­կան երկր­նե­րը պատ­րաստ­վում էին Թ­րամ­փից վերջ­նա­կան հայ­տա­րա­րութ­յուն­ներ ստա­նալ ուկ­րաի­նա­մետ դիր­քեր վե­րա­դառ­նա­լու մա­սին, այդ թվում` պա­տե­րազ­մի ու­ղիղ ֆի­նան­սա­վոր­ման: Ա­վե­լին, պատ­րաս­տում էին նաեւ փա­թեթ, թե որ­քան նոր ֆի­նան­սա­վո­րում է ՆԱՏՕ–ն հատ­կաց­նե­լու Ուկ­րաի­նա­յին, ա­պա հի­մա «մի փոքր» ֆոնն այլ է: Ըստ The Telegraph–ի, բա­նը հա­սել է նրան, որ ոչ միայն հա­վել­յալ ֆի­նան­սա­վոր­ման հար­ցը կփոր­ձեն շրջան­ցել գա­գա­թա­ժո­ղո­վում, այլ նույ­նիսկ ­Զե­լենս­կուն թույլ չեն տա ե­լույթ ու­նե­նալ. «­Դա­շին­քը ո­րո­շել է ու­շադ­րութ­յուն չդարձ­նել ­Զե­լենս­կուն եւ­ ուկ­րաի­նա­կան հար­ցին՝ վա­խե­նա­լով վրդո­վեց­նել Թ­րամ­փին»: Չ­նա­յած դրան, ըստ լրատ­վա­մի­ջո­ցի. «­Դո­նալդ Թ­րամ­փը մտա­դիր է գա­գաթ­ա­ժո­ղո­վում ա­վար­տել պա­տե­րազ­մը եւ ­Զե­լենս­կու հետ կքննար­կի, թե ինչ­պես հաս­նել դրան»: Ընդ ո­րում, աղբ­յու­րը նաեւ մատ­նան­շում է շատ պարզ մի­ջոց­ներ, ո­րով Թ­րամ­փը կա­րող է ստի­պել ­Զե­լենս­կուն` իր գծած սցե­նա­րով շարժ­վել` «Ե­թե Ուկ­րաի­նան ան­ջատ­վի Starlink ար­բան­յակ­նե­րից, եւ դա­դա­րեց­վի ­Կի­եւին հե­տա­խու­զա­կան տվյալ­ներ մա­տա­կա­րա­րե­լը», ա­պա ­Զե­լենս­կին հա­զիվ թե կա­րո­ղա­նա դի­մադ­րել:

Ի­րա­կա­նո՞ւմ էլ Թ­րամփն այս ան­գամ այդ­քան վճռա­կան է տրա­մադր­վել, թե՞ սա հեր­թա­կան շրջա­դարձն է, ո­րին կա­րող է հա­ջոր­դել հեր­թա­կան շրջա­դար­ձը: Ի­հար­կե, Թ­րամփն ան­կան­խա­տե­սե­լի է, նրա­նից շրջա­դար­ձեր միշտ էլ կա­րե­լի է սպա­սել: ­Բայց նաեւ, ներ­կա փու­լում նկատ­վում են պա­տե­րազ­մա­կան սրա­ցում­ներ, ո­րոնք կա­րող են ան­կան­խա­տե­սե­լի հե­տե­ւանք­նե­րի տա­նել, ե­թե Թ­րամ­փը շա­րու­նա­կի ա­մեն ան­գամ մտա­փոխ­վել: ­Խոս­քը ­Կիե­ւի ար­վար­ձա­նա­յին ­Վիշ­նե­ւո բնա­կա­վայ­րում նա­խօ­րեին տե­ղի ու­նե­ցած հզոր պայթ­յու­նի մա­սին է, ո­րը ոչ միայն ՆԱՏՕ­–ի գա­գաթա­ժո­ղո­վի շե­մին հեր­թա­կան սկան­դա­լը դար­ձավ ­Զե­լենս­կու հա­մար, այլ նաեւ կա­րող է շատ վտան­գա­վոր հե­տե­ւանք­ներ ու­նե­նալ աշ­խար­հի մասշ­տա­բով:

­­Բայց նախ նկա­տենք, որ ­Զե­լենս­կին սկսել է վեր­ջին ժա­մա­նակ­ներս հա­ճա­խա­կի խո­շոր սկան­դալ­նե­րի մեջ հայտն­վել: Օ­րերս Եվ­րո­պա­յի «կա­յու­նութ­յան սիրտ» հա­մար­վող ­Մո­նա­կո­յում տե­ղի ու­նե­ցած ուկ­րաի­նա­ցի օ­լի­գարխ Եր­մո­լա­եւի դեմ մա­հա­փոր­ձը, ո­րի մեջ ան­մի­ջա­պես էլ մե­ղադ­րե­ցին ­Կիե­ւին: ­Մո­նա­կո­յի կա­յու­նութ­յան սկզբուն­քի շուրջ գոր­ծում են բա­զում ու բա­զում մի­լիարդ­նե­րի շա­հեր, եւ այն­տեղ ա­հա­բեկ­չա­կան հար­ձա­կում­նե­րի ա­լի­քը հասց­նե­լու հա­մար շատ «մեծ ա­տամ­ներ են սրված» կազ­մա­կեր­պող­նե­րի դեմ: Ե­րեկ էլ այդ պատ­մութ­յու­նը նոր զար­գա­ցում ստա­ցավ. մա­հա­փոր­ձի կազ­մա­կերպ­ման մեջ մե­ղադր­վող եւ հե­տա­խուզ­ման մեջ գտնվող կնոջ դին հայտ­նա­բեր­վեց ­Կիե­ւում: Ն­րան գնդա­կա­հա­րել են ատր­ճա­նա­կից, եւ շատ նման է «ա­վե­լորդ վկա­նե­րից ա­զատ­վե­լու» սխե­մա­յի: Ինչ­պես նա այդ­քան ա­րագ հա­սավ ­Կիեւ. այս հարցն ար­դեն իսկ մե­ղադ­րանք­նե­րի նոր հե­ղեղ է ուղ­ղում ­Զե­լենս­կուն:

Իսկ ա­հա ­Վիշ­նե­ւո­յում, պարզ­վեց, ռուս­նե­րը խո­ցել են ռազ­մա­կան օբ­յեկտ` հրթիռ­ներ ար­տադ­րող գոր­ծա­րան եւ մեծ պա­հեստ, ո­րը տե­ղա­կայ­ված էր հոծ բնա­կեց­ված թա­ղա­մա­սի մեջ: Սկս­վեց այն­տեղ գտնվող զի­նամ­թեր­քի երկ­րոր­դա­յին դո­տո­նա­ցիա, ո­րից ծանր հար­ված ստա­ցավ այդ ողջ թա­ղա­մա­սը` խա­ղաղ բնա­կիչ­նե­րով հան­դերձ: Ու դա դեռ սկան­դա­լի մի մասն է: ­Պարզ­վեց, որ այդ պա­հես­տում, բա­ցի տար­բեր հրթիռ­նե­րից, պահ­վում էին նաեւ աղ­քա­տաց­ված ու­րան պա­րու­նա­կող ար­գել­ված ար­կեր, ար­գել­ված զի­նամ­թերք, ո­րը ժա­մա­նա­կին ստա­ցել էին ԱՄՆ­–ից եւ Բ­րի­տա­նիա­յից: Այս ժա­մեր շա­րու­նակ­ված պայթ­յու­նից հե­տո կան միան­գա­մայն լուրջ խո­սակ­ցութ­յուն­ներ, որ ձե­ւա­վոր­վել է ռա­դիոակ­տիվ փո­շու ամպ, ո­րը կա­րող է ծած­կել ոչ միայն ար­վար­ձա­նա­յին ­Վիշն­եւոն, այլ նաեւ ­Կիե­ւի զգա­լի մա­սը:

­­Զե­լենս­կին հայ­տա­րա­րեց հե­տաքն­նութ­յան մա­սին` ակ­նար­կե­լով, թե ինքն այդ մա­սին ան­գամ տեղ­յակ չէր: ­Բայց նման բա­ցատ­րութ­յու­նը ծի­ծա­ղե­լի է: Ընդ ո­րում, այս­տեղ հարցն ար­դեն ան­գամ ինչ­–որ մե­կին մե­ղադ­րե­լը չէ, այլ վտան­գա­վոր փաս­տը: Ի­հար­կե, վե­րին տիկ­նի­կա­վար­նե­րին այն­քան էլ շատ չի ան­հանգս­տաց­նի, որ այդ պա­հես­տով շար­քա­յին քա­ղա­քա­ցի­նե­րին դարձ­րել են «կեն­դա­նի վա­հան»: ­Շատ չի հե­տաքր­քիր նաեւ` ­Զե­լենս­կին գի­տեր այդ մա­սին, թե` ոչ: ­Սա­կայն փաս­տը, որ տե­ղի է ու­նե­ցել ու­րան պա­րու­նա­կող զի­նամ­թեր­քի հետ կապ­ված չկա­ռա­վար­վող նման դրվագ, դա ար­դեն չի կա­րող չհե­տաքրք­րել: Այ­սինքն, ուկ­րաի­նա­կան պա­տե­րազ­մը հա­սել է այն մա­կար­դա­կին, երբ մի­ջա­դե­պեր են լի­նում ու­րա­նի հետ կապ­ված: Իսկ դրա էս­կա­լա­ցիոն հա­ջորդ փուլն ար­դեն կա­րող է դառ­նալ ու­րա­նի հետ կապ­ված մի­ջա­դե­պե­րի այլ տե­սակ­ներ` ա­տո­մա­կա­յան­ների խո­ցում­նե­րի, տակ­տի­կա­կան մի­ջուկ­ա­յին զեն­քի տես­քով, որ­տե­ղից ան­ցու­մը ստրա­տե­գիա­կան մի­ջու­կա­յին զեն­քին դառ­նում է շատ հա­վա­նա­կան: Կարճ ա­սած, ու­րա­նի հետ «խա­ղալ պետք չէ», դա կա­յուն սկզբունք է: Ու այդ սկզբունքն ար­դեն խախտ­ված է:

­­Սա լուրջ սկան­դալ է, ո­րը պայ­թեց ա­մե­նաան­հար­մար պա­հին` ՆԱՏՕ­–ի գա­գա­թա­ժո­ղո­վի շե­մին: Եվ այն, որ գա­գա­թա­ժո­ղո­վում ու­րա­նա­յին այդ խնդի­րը դառ­նա­լու է կու­լի­սա­յին հիմ­նա­կան քննար­կում­նե­րի թե­մա­նե­րից, դա էլ է են­թադ­րե­լի: ­Թե­րեւս այն սոու­սով, որ ուկ­րաի­նա­կան պա­տե­րազ­մը հա­սել է հենց այդ վտան­գա­վոր կե­տին, ու պետք է կոնկ­րետ ելք գտնել: Եվ Թ­րամփն էլ, որ շատ է սի­րում ինքն ի­րեն, ե­րե­ւի չի ցան­կա­նա են­թարկ­վել «ու­րա­նա­յին խա­ղե­րից» բխող հնա­րա­վոր ռիս­կե­րին:

Տե´ս նաեւ https://t.me/iravunk/69431 

Այս թեմայով «Ահեղ դատաստանի» ձմեռ է գալիս. Ուկրաինական պաշտոնյա Մերցի կուսակցությունը պարզապես չի գոյատևի մինչև «Ռուսաստանի հետ պատերազմը» Ուկրաինական աղբյուրների տարածել են ռուսական «Գերան-5» հրթիռային անօդաչուի թռիչքի եւ թիրախի խոցման կադրերը (Տեսանյութ) Ռուսական բանակը կարող է մտնել Զապորոժե այս ձմռանը. Ուկրաինական հրամանատար Ռուսասկան ուժերը Դոբրոպոլեի ուղղության վտանգավոր ճեղքում են իրականացրել