Զելենսկին դեռ չի գտնում Սիրսկիին հարմար փոխարինողի

Ուկրաինական տեղեկացված աղբյուրը հայտնում է, որ Զելենսկին ներքին ճգնաժամի հետ կապված այլ տարբերակ չի տեսնում, քան Գերագույն հրամանատար Սիրսկիին հեռացնելը:

Աղբյուրը նաեւ հայտնում է, որ գեներալիտետի մեջ ներկա պահին Զելենսկին փորձում է գտնել փոխարինողի, որը մի կողմից, առնվազն յոյալ կլինի ներկա քաղաքական իշխանությունների հանդեպ` պատրաստ լինելով ենթարկվել Բանկովայայի հրահանգներին: Մյուս կողմից, որ նա կունենա բավարար հեղինակություն` գեներալիտետին վերահսկողության տակ պահելու համար:

Այդ չափորոշիչներից մեկի բացակայության դեպքում Զելենսկին կկանգնի մեծ ռիսկի առաջ` բանակի հանդեպ վերահսկողությունը կորցնելու հարցում:

Ըստ այդմ, Ուկրաինայի զինված ուժերի գերագույն հրամանատար Սիրսկու պաշտոնանկության որոշումը դեռևս վերջնականապես չի կայացվել, քանի որ Զելենսկին փորձում է գտնել իր պահանջներին համապատասխանող փոխարինող։ 

Bloomberg-ի փոխանցմամբ՝ Ուկրաինայի զինված ուժերի միացյալ ուժերի հրամանատար Միխայիլ Դրապատին համարվում է գերագույն հրամանատարի պաշտոնի ամենահավանական թեկնածուն։ Նա բավականի փորձառու եւ հեղինակավոր գեներալներից է: Բայց կա այն մեծ ռիսկը, որ կուրորեն չի կատարի նախագահականին բոլոր հրահանգները, ինչպես անում էր Սիրսկին:

Զելենսկիին և կառավարությանը մոտ կանգնած աղբյուրները հիմնական թեկնածուների թվում նշում են նաև Երրորդ բանակային կորպուսի հրամանատար Անդրեյ Բիլեցկիին, Օդադեսանտային գրոհային ուժերի հրամանատար Օլեգ Ապոստոլին և Ազգային գվարդիայի «Խարտիայի» կորպուսի հրամանատար Իգոր Օբոլենսկուն։ Ընդհանուր առմամբ, ըստ ուկրաինական աղբյուրների, գերագույն գլխավոր հրամանատարի պաշտոնի համար քննարկվում է 11 թեկնածու։ Առաջին պլանում է մնում Զելենսկուն լիովին հավատարիմ լինելու չափորոշիչը, եւ եթե նման գեներալ չգտնվի, Զելենսկին, ըստ աղբյուրի, կգնա վա բանկ` պահելով Սիրիսկիին:

Զինվորական ղեկավարության փոփոխության վերաբերյալ քննարկումները տեղի են ունենում շարունակվող ռազմական գործողությունների և Ուկրաինայի զինված ուժերի ներկայիս հրամանատարության հասցեին քննադատության աճի ֆոնին։ Ու Яելենսկին այս իմաստով շտապելու խնդիր ունի:

Տե´ս նաեւ https://t.me/iravunk/69882 

Այս թեմայով Զելենսկին պլանավորում է կրկին ձգձգել բանակցությունները, սակայն Մոսկվան դրան պատրաստ է Զելենսկին Դանիայի խորհրդարանում ծաղրեց Գրենլանդիայի նկատմամբ Թրամփի տարածքային պահանջները «Ռուսների հետ դժվար է». Զելենսկին արդեն սկսել է տրտնջալ Աբու Դաբիում կայացած բանակցությունների առաջին օրից հետո Պատերազմի ավարտից հետո Ռյուտեն եւ Զելենսկին «կհարբեն մինչեւ անջատվելը» Էլեկտրոմոբիլի գնորդներին թող չմոլորեցնեն, մյուս տարվա քվոտաների մասով դեռ որոշում չկա. Պապոյան