Հայաստանը ԵԱՏՄ կազմում պիտի մնա, կողմ եմ հանրաքվեին․ Արմենուհի Ղազարյան

«Եվրասիական Ալյանս» քաղաքացիական նախաձեռնությունը Կենտրոնական ընտրական հանձնաժողով է ներկայացրել Սահմանադրության փոփոխության հանրաքվեի նախագիծ, որի նպատակն է, ըստ նախաձեռնողների, կանխել ԵՄ-ին անդամակցության գործընթացից բխող տնտեսական ռիսկերը եւ ԵԱՏՄ-ի հետ հնարավոր հակասությունները։ Թե ինչ կարծիք ու մոտեցում ունի այս հարցի շուրջ «Հայկանդուխտ» ավանդապաշտ ժողովրդավարական կուսակցության նախագահ ԱՐՄԵՆՈՒՀԻ ՂԱԶԱՐՅԱՆԸ, «Իրավունքը» պարզեց նրա հետ զրույցում։

— Նախ, որպես կուսակցության նախագահ, ինչպե՞ս կգնահատեք առկա ներքաղաքական իրավիճակը։

— Այսօրվա իրավիճակը ստեղծվել է դեռեւս այն ժամանակ, երբ Արցախի հարցը բարձրացրինք, եւ Լեւոն Տեր-Պետրոսյանը կարգվեց ղեկավար: Այդ պահից սկսվեց այսօրվա վիճակը ստեղծելու ճանապարհը, եւ այսօր հասել ենք նման ողբերգալի հանգրվանի։ Երկիր ենք կորցնում, հայրենիք, մարդկային խիղճ ենք կորցնում, որը հարիր չէ հայ մարդուն։

— Տիկին Ղազարյան, ի՞նչ պիտի աներ այսօրվա մանդատավոր ընդդիմությունը, որ չարեց։

— Ընդդիմությունը ոչ մի բան էլ չարեց: Այն փոխկապակցված, համաձայնեցված, աշխատեց ի վնաս պետականության: Առհասարակ ընդդիմություն գոյություն չունի, բոլորը մեկ մարդ են: Այս վիճակն իրենք բոլորով ստեղծեցին, ու այն աստիճան, որ ինչպես ասում են՝ «շունը տիրոջը չի ճանաչում»: Մեջտեղում տուժում է ժողովուրդը, երեխաներ են կործանվում, սպանվում ու հողեր ենք կորցնում: Ես չեմ տարբերակում՝ ո՛չ ընդդիմություն, ո՛չ իշխանություն: Իրականում իշխանություն էլ չկա, բոլորը չարչիներ են, բանդիտներ, որոնք միայն իրենց շահն են ակնկալում ու երկրի մասին չեն մտածում։

— Ի վերջո, որտե՞ղ է Հայաստանի ապագան՝ Եվրամիությունո՞ւմ, թե՞ Եվրասիական տնտեսական միությունում։ Դուք այս հարցի շուրջ ի՞նչ մոտեցում ունեք։

 — Կարծում եմ, որ պետք է մնալ միայն Ռուսաստանի հետ՝ ՌԴ, Չինաստան, Հնդկաստան, Ղազախստան եւ այլն: Միայն միասնության կուռ բռունցքի դեպքում թուրքը նոր կհասկանա, թե ով է հայը, ով է ԽՍՀՄ-ը, ով է Ռուսաստանը։

— «Եվրասիական Ալյանս» նախաձեռնության նպատակն այն է, որպեսզի չեղարկվեն հայկական ապրանքների արտահանման սահմանափակումները Ռուսաստան, Հայաստանի տնտեսությունը շարունակի զարգանալ։ Ինչպե՞ս եք վերաբերվում նախաձեռնության հանրաքվե անցկացնելու գաղափարին։

— Միանշանակ կողմ եմ։ Հայաստանը ԵԱՏՄ-ի կազմում պիտի մնա: Ոչ մի ուրիշ ուղղություն ես չեմ տեսնում: Առանց ռուսի՝ մենք գոյություն չենք կարող ունենալ: Եվրոպական բարքերն ի՞նչ է․ մեկը մեկին, կոպիտ ասեմ՝ ծախելով, թմրանյութեր տարածելով, կործանվում են: Նույնը, կարծես թե, Հայաստանում է տիրում, ու դեռ մի հատ էլ Արցախը տվեցին, Հայաստանին դավաճանեցին, ժողովրդին էլ հետը ոչնչացրին: Շատ եմ ցավում: Պետք է սկսել համահայկական ապստամբություն՝ ընդդեմ այսօրվա «բարդակի», որը ստեղծվել է Հայաստանում: Այլ ելք չկա, միայն դա կփոխի երկրի իրավիճակը, որպեսզի հայը մնա հայ։

ՆԱՆԱ ՍԱՐԳՍՅԱՆ

Այս թեմայով Ախր Նիկոլ Փաշինյանը սկի տուն էլ չունի, որ գնան, խուզարկեն, զոքանչի տան վրա ա գրանցված. Է․ Ղազարյան Փաշինյանը կարող ա մի օր էլ շարական երգի, մենք իրան հարց չունենք, ինքը պիտի հեռանա. Ղազարյան Վարչաբենդի պարային խմբում եք հանդես եկել, առաջիկայում համերգներ նախատեսվա՞ծ են. Ղազարյան Էդգար Ղազարյանը՝ ԱԺ աշխատակազմի ղեկավարին․ Ընչի՞ եք ինձ էդքան փող տալիս. «Վարչաբենդի» անդամները հոնորար ստանու՞մ են, հատկապես թմբուկահարը ինչքա՞ն ա ստանում. Ղազարյան