«Հրապարակ». «Ուժեղ Հայաստանը» չի՞ մասնակցի փոխխոսնակի իր թեկնածուի քվեարկությանը

«Հրապարակ» թերթը գրում է. ««Ուժեղ Հայաստան» խմբակցության որոշումը երեկ բուռն խոսակցությունների առիթ էր դարձել իշխող թիմում։ Օրվա երկրորդ կեսին խմբակցության ղեկավար Նարեկ Կարապետյանը հայտարարեց, որ այսօր խորհրդարանում չեն լինի, ժամը չորսին կլինեն Վեհափառի դատական նիստին:

Բանն այն է, որ այսօր տեղի է ունենալու ԱԺ երրորդ փոխխոսնակի պաշտոնում ՈՒՀ ներկայացուցիչ Արամ Վարդեւանյանի ընտրությունը։ Հարցին՝ եթե գաղտնի քվեարկությունը լինի ժամը 4-ից հետո, չե՞ն մասնակցի, Կարապետյանն արձագանքեց. «Կա առաջնահերթություն, մեր կրոնական պարտքն առաջնահերթ է մեր քաղաքական յուրաքանչյուր պրոցեսի հանդեպ»: Նարեկ Կարապետյանի այդ հայտարարությունը երեկ տարաբնույթ խոսակցությունների տեղիք է տվել իշխող թիմում, ոմանց կողմից առաջարկներ են հնչել՝ միտումնավոր նիստն այնքան ձգել, որ քվեարկությունը համընկնի հենց այն ժամին, երբ «ուժեղները» խորհրդարանում չեն լինի։

Խնդիրն այն է, որ ԱԺ կանոնակարգը թույլ չի տալիս տեղափոխել քվեարկության ժամը, հարցի քննարկումն ավարտելուց հետո պարտավոր են քվեարկել եւ նոր միայն անցնել օրակարգի հաջորդ հարցերին։ Միակ հույսն այն է, որ երեկ ՔՊ դռնփակ նիստում ղեկավարությունը դժգոհություն է հայտնել ելույթների առատությունից եւ բովանդակային ծանծաղությունից, ու ՔՊ-ական պատգամավորներին հասկացրել են, որ ասելիք ունենալու դեպքում ելույթներ ունենան, եւ հնարավոր է՝ շատերը հանեն իրենց ելույթները։

Առավել մանրամասն թերթի այսօրվա համարում

Տե´ս նաեւ https://t.me/iravunk/70532 

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Այսօր Հայաստանը նշում է Անկախության օրը Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Ռուսաստանը շատ ավելի ազդեցիկ է, քան Ադրբեջանն ու Թուրքիան, հետևաբար Ռուսաստանի հետ ևս պետք է զգույշ լինել Ունի Հայաստանը գազի այլընտարանք. Մեկնաբանում է տնտեսագետը