Հայաստանի վարկային կազմակերպությունների զուտ շահույթը նվազել է 31.6%-ով

Հայաստանի վարկային կազմակերպությունների ընդհանուր զուտ շահույթը 2026 թվականի առաջին կիսամյակում կազմել է 21.02 մլրդ դրամ՝ նախորդ տարվա նույն ժամանակահատվածի 30.73 մլրդ դրամի դիմաց։ Տարեկան կտրվածքով ցուցանիշը նվազել է 31.6%-ով։

Հաշվետու ժամանակահատվածում վարկային կազմակերպությունների շահույթը մինչև հարկումը կազմել է 25.13 մլրդ դրամ՝ 2025 թվականի առաջին կիսամյակի 34.15 մլրդ դրամի համեմատ։

2026 թվականի առաջին կիսամյակա վերջի դրությամբ Հայաստանում գործել է 44 վարկային կազմակերպություն, որոնցից 10-ը կիսամյակն ավարտել են վնասով։

Հունիսի 30-ի դրությամբ վարկային կազմակերպությունների ընդհանուր ակտիվները կազմել են 905.17 մլրդ դրամ՝ 2025 թվականի վերջի 861.12 մլրդ դրամի համեմատ աճելով շուրջ 5.1%-ով։

Նույն ժամանակահատվածում վարկային կազմակերպությունների պարտավորությունները կազմել են 438.03 մլրդ դրամ՝ տարեսկզբի համեմատ աճելով 7.7%-ով, իսկ ընդհանուր կապիտալը՝ 467.14 մլրդ դրամ՝ աճելով 2.8%-ով։

Վարկային ներդրումների ծավալը հունիսի վերջի դրությամբ հասել է 681.76 մլրդ դրամի՝ 2025 թվականի վերջի 660.44 մլրդ դրամի դիմաց։ Տարեսկզբից վարկային ներդրումներն աճել են շուրջ 3.2%-ով։

Այս թեմայով Երկրները հիմնականում պարտք վերցնում են ճգնաժամերի ժամանակ, իսկ եթե տեղի ունենա այդ ճգնաժամը, ապա այստեղ մենք արդեն ավելի խոցելի ենք լինելու ՀԷՑ-ի գրավադրման ոդիսականը եւ Կառավարության ժառանգած վարկային պարտավորությունը Այս պահից Արցախից բռնի տեղահանվածները կարող են դիմել և ստանալ 2-րդ վերանորոգման վարկը «Հրապարակ». Թաթոյանը նախընտրական խոշոր վարկ է վերցրել Ձեր իշխանությունը պրոֆեսորին կարող է տանել բանտ քաղաքական որոշմամբ, բազմաթիվ հիվանդներին թողնելով առանց բժշկական օգնության. Նախկին պատգամավորի պատասխանը ՔՊ-ական նախարարին