Քաղաքացին ահազանգում է բանկային գաղտնիք հանդիսացող տվյալների զանգվածային արտահոսքի մասին

Քաղաքացի Արմեն Սաքապետոյանը ահազանգում է բանկային գաղտնիք հանդիսացող տվյալների զանգվածային արտահոսքի մասին։ InfoPort.am-ի խբագրություն ուղարկած նամակում, նա, մասնավորապես, նշում է․

«Ես Արմեն Սաքապետոյանն եմ՝ իրավաբան, գործարար։ Որոշել եմ դիմել հանրությանն ու լրատվամիջոցներին, քանի որ խնդիրը, որին բախվել եմ, դուրս է եկել անձնական տիրույթից. խոսքը վերաբերում է բանկային գաղտնիք կազմող տեղեկությունների զանգվածային արտահոսքի դեպքին։

2021 թվականին իմ և ընտանիքիս անդամների մասով տեղի է ունեցել բանկային տվյալների ապօրինի արտահոսք, որը հայտնվել է ոստիկանության աշխատակցի տիրապետության տակ՝ առանց քրեական վարույթի և առանց դատարանի որոշման։

Հայաստանում գործող բոլոր բանկերը հերքում են իրենց կողմից տվյալների տրամադրումը, իսկ իրավապահ մարմինները մերժել են քրեական գործի նախաձեռնումը, որն այժմ բողոքարկում եմ դատարանում։

Այս ահազանգը միայն իմ ընտանիքի կամ բիզնեսի մասին չէ։ Եթե այսօր կարելի է շրջանցել օրենքը, խախտել բանկային գաղտնիքն ու ապօրինաբար կաթվածահար անել բիզնեսի գործունեությունը, ապա վաղը նույն իրավիճակում կարող է հայտնվել Հայաստանում ապրող ցանկացած քաղաքացի, գործարար, ներդրող։

Կից ուղարկում եմ տեսանյութ, որտեղ ներկայացնում եմ գործի մանրամասները։ Պատրաստակամ եմ պատասխանել ձեր հարցերին՝ ցանկացած ֆորմատով և առաջիկայում տրամադրել լրացուցիչ տեղեկություններ ու իրավական փաստաթղթեր»։

Այս թեմայով Նման նշանները վկայո՞ւմ են խոշոր պատերազմի մոտենալու մասին (Տեսանյութ) Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Փաշինյանը նպատակ ունի կտրել թաղման նպաստները ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել ԱՄՆ-ն սպառում է հրթիռները. Bloomberg