Ո՞վ է առողջապահության նորանշանակ փոխնախարար Շահանե Մնացականյանը

Առողջապահության նորանշանակ փոխնախարար Շահանե Մնացականյանը մասնագիտությամբ բժիշկ է, հանրային առողջապահության մասնագետ և առողջապահության կառավարման ոլորտի փորձառու մասնագետ։ Մինչ նոր պաշտոնում նշանակվելը նա տարբեր տարիներին աշխատել է առողջապահության համակարգում՝ այդ թվում «Ուիգմոր Քլինիք»-ում, Առողջապահության համաշխարհային կազմակերպության Հայաստանի գրասենյակում և Հիվանդությունների վերահսկման և կանխարգելման ազգային կենտրոնում։

Մնացականյանը ծնվել է 1989 թվականի հուլիսի 10-ին Երևանում։ 2006-2013 թվականներին սովորել է Երևանի Մխիթար Հերացու անվան պետական բժշկական համալսարանում, ապա նույն բուհում ստացել է հանրային առողջապահության մագիստրոսի աստիճան։ 2015-2017 թվականներին սովորել է Հայաստանի ամերիկյան համալսարանի Հանրային առողջության ֆակուլտետում՝ ստանալով հանրային առողջության մագիստրոսի աստիճան։ 2020-2021 թվականներին ավարտել է Հարվարդի բժշկական դպրոցի «Անվտանգություն, որակ, ինֆորմատիկա և առաջնորդություն» հետբուհական հավաստագրման ծրագիրը, իսկ 2024-2025 թվականներին Ակադեմիկոս Ս. Ավդալբեկյանի անվան առողջապահության ազգային ինստիտուտում սովորել է «Համաճարակաբանություն» մասնագիտությամբ և ստացել բժշկի դիպլոմ։

Նրա աշխատանքային գործունեությունը սկսվել է 2015 թվականից։ 2015-2018 թվականներին Մնացականյանը աշխատել է Հիվանդությունների վերահսկման և կանխարգելման ազգային կենտրոնի Ռեֆերենս լաբորատոր կենտրոնում՝ որպես որակի ապահովման մենեջեր։ 2018-2020 թվականներին եղել է «Ուիգմոր Քլինիք»-ի որակի մենեջերը, իսկ 2020-2024 թվականներին՝ նույն բժշկական կենտրոնի փոխտնօրենը։ 2022-2025 թվականներին զբաղեցրել է «Ուիգմոր Գրուպ»-ի՝ Ուիգմոր կանանց և երեխաների հիվանդանոցի գործառնական գծով փոխտնօրենի պաշտոնը, իսկ մինչև 2026 թվականը եղել է «Ուիգմոր Քլինիք»-ի տնօրենի պաշտոնակատարը։

2021-2022 թվականներին Մնացականյանը աշխատել է Առողջապահության համաշխարհային կազմակերպության Հայաստանի գրասենյակում՝ որպես լաբորատորիայի ազգային խորհրդատու։ 2026 թվականից զբաղեցնում էր «Նորք-Մարաշ» բժշկական կենտրոնի գլխավոր տնօրենի խորհրդականի պաշտոնը։

Մնացականյանը զբաղվել է նաև գիտական և դասախոսական աշխատանքով։ 2023-2025 թվականներին դասավանդել է Առաջնորդության և նորարարության ակադեմիայում՝ առողջապահության ոլորտում որակի կառավարման և այլ թեմաներով։ 2017-2019 թվականներին եղել է Ամերիկյան մանրէաբանների ասոցիացիայի Հայաստանի երիտասարդ դեսպանը։ Հեղինակ և համահեղինակ է առողջապահության և վարակիչ հիվանդությունների ոլորտներին վերաբերող գիտական հրապարակումների։

Հատկանշական է, որ առողջապահության փոխնախարար նշանակվելուց քիչ առաջ Մնացականյանը LinkedIn-ում հրապարակել էր «Ուիգմոր»-ին հրաժեշտի գրառում՝ նշելով, որ փակում է իր մասնագիտական կյանքի գրեթե մեկ տասնամյակ ընդգրկած էջը։ Նա գրել էր, որ «Ուիգմոր»-ում անցկացրած ութ տարիներից հեռանում է երախտագիտությամբ և նոր փուլ է սկսում՝ շարունակելու նպաստել առողջապահության որակի, պացիենտների անվտանգության և կազմակերպական արդյունավետության զարգացմանը։

Այս թեմայով «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Երկրները հիմնականում պարտք վերցնում են ճգնաժամերի ժամանակ, իսկ եթե տեղի ունենա այդ ճգնաժամը, ապա այստեղ մենք արդեն ավելի խոցելի ենք լինելու «Ժողովուրդ». Առողջապահության փոխնախարարի պաշտոնը հարցականի տակ է «Ժողովուրդ». Էկոնոմիկայի փոխնախարար Անուշիկ Ավետիսյանի համար նոր պաշտոն են փնտրում Լուլուն պայքարում է, Արմեն Խաչատրյանն էլ վիզ է դրել իրենով անելու պաշտպանության հանձնաժողովի աթոռը