Թունավորման դեպքից հետո Երևանում բար-ռեստորանի գործունեություն է կասեցվել

Սննդամթերքի անվտանգության տեսչական մարմինը բար-ռեստորանի արտադրական գործունեության կասեցման մասին է հայտնում։

Հաղորդագրությունում նշված է․

«Ինչպես արդեն տեղեկացվել է, Սննդամթերքի անվտանգության տեսչական մարմինը, ԱՆ հիվանդությունների վերահսկման և կանխարգելման ազգային կենտրոն (ՀՎԿԱԿ) ՊՈԱԿ-ից ստացված հաղորդագրության հիման վրա, վերահսկողություն էր սկսել «Բամբու» բար-ռեստորանում (ք. Երևան, Ազատության պողոտա 2/2). հանրային սննդի այս օբյեկտում սնվելուց հետ «սուր աղիքային վարակ» նախնական ախտորոշմամբ հիվանդանոց էր տեղափոխվել երեք անձ:

Վերահսկողության ընթացքում պարզվել է, որ բար-ռեստորանում չեն պահպանվում իրավական ակտերով սահմանված սանիտարահիգիենիկ նորմերը, մասնավորապես՝

- խոհանոցի պատի որոշակի հատվածներ չեն ունեցել հարթ մակերես, չեն պահվել նորոգ վիճակում, պատրաստված չեն եղել անջրանցիկ, չներծծող, լվացվող, ախտահանվող նյութերից,

- առաստաղները և վերին ամրությունները որոշ հատվածներում կառուցված չեն այնպես, որ կանխարգելվի կամ նվազեցվի կեղտի կուտակումը և մասնիկների թափվելու հնարավորությունը,

- սննդամթերքի մշակման սեղանը և սառնարանի դարակաշարը, որոնք անմիջական շփման մեջ են գտնվում սննդամթերքի հետ, կառուցված չեն եղել հիգիենայի պահանջները բավարարող նյութերից։

Բար-ռեստորանի արտադրական գործունեությունը կասեցվել է, հայտնաբերված խախտումները վերացնելու համար սահմանվել է ժամկետ:

Հանրային սննդի կետում առկա սննդատեսակներից կատարվել է նմուշառում և տրվել լաբորատոր հետազոտության. արդյունքները կհրապարակվեն»:

Այս թեմայով Կասեցվել է Մասիսում գործող հանրային սննդի օբյեկտի արտադրական գործունեությունը «Եթե աղջիկներով որոշել եք գնալ Զեփյուռ ռեստորան, ապա ձեզ հետ անպայման տղա տարեք». օգտատերն ահազանգում է Կասեցվել է «Պրեմիում»-ին պատկանող արտադրամասի արտադրական գործունեությունը Սննդամթերքի արտադրությունը կասեցվել է Կասեցվել է կաթնամթերքի արտադրամասի արտադրական գործունեությունը