«Հորմուզի նեղուցը չի բացվի, մինչև ԱՄՆ չընդունի մեր պայմանները»․ Իրանը միջնորդներին է փոխանցել իր պահանջները՝ ուղղված Միացյալ Նահանգներին

Իրանի իշխանությունները միջնորդների ձեռքով ԱՄՆ-ին են փոխանցել Հորմուզի նեղուցը բացելու պայմանները, որոնցից հիմնականներն են Լիբանանում և Գազայում ռազմական գործողությունների դադարեցումը, իրանական ակտիվների ապասառեցումը։ Այդ մասին հայտնել է Իրանի Իսլամական Հանրապետության Ազգային անվտանգության բարձրագույն խորհրդի նոր քարտուղար Մոհսեն Ռեզային։

«Նեղուցը չի բացվի, մինչև ԱՄՆ-ն չփոխի իր պահվածքը և չընդունի Իրանի պայմանները։ ԱՄՆ-ն պետք է դադարեցնի պատերազմը ամբողջ տարածաշրջանում, այդ թվում՝ Լիբանանում և Գազայում, պետք է վերադարձնի Իրանի սառեցված միջոցները։ Պետք է կատարվեն նաև միջնորդների միջոցով փոխանցված մեր մյուս պայմանները»,- Ռեզայիի խոսքերն է մեջբերել Tasnim գործակալությունը։

Ռեզային ընդգծել է նաև, որ Հորմուզի նեղուցի շուրջ Իրանի և Օմանի միջև ձեռք բերված պայմանավորվածությունը կապ չունի նեղուցի լիարժեք բացման հարցի հետ։

Հիշեցնենք՝ Իրանի և Օմանի միջև համաձայնություն էր ձեռք բերվել Հորմուզի նեղուցի հարցի շուրջ։ Երկու երկրների բանակցությունների արդյունքում Հորմուզի նեղուցում նավագնացության նոր ուղիներ էին սահմանվել, բայց դրանք  ժամանակավոր են։

Այս թեմայով ՌԴ ԱԳՆ-ն խորհուրդ է տալիս ձեռնպահ մնալ Իրան ուղևորություններից Թրամփ. ԱՄՆ-Իրան հակամարտությունը շատ շուտով կավարտվի Իրանը չի թույլատրի ամերիկյան ռազմանավերի մուտքը Պարսից ծոց․ Իրանի ԶՈՒ ԳՇ պետ Սերգեյ Լավրովի` Իրան կատարած այցի ժամանակ քննարկված հարցերից մեկը հարստացված ուրան Ռուսաստան արտահանելու հնարավորությունն էր Իրանն ու ՀՀ-ն քննարկել են սահմանային խոչընդոտների վերացումն ու տարանցման ավելացումը