Իրանի գերագույն առաջնորդի անունից, փաստացի, վերջնագիր հղվեց Թրամփին

Ինչպես ավելի վաղ տեղեկացրել ենք, Իրանը փոխում է իր պատերազմական ռազմավարությունը՝ պաշտպանական մոդելից անցնելով հարձակողական դոկտրինայի (https://iravunk.com/?p=346680&l=am): Եվ ահա, Իրանի գերագույն առաջնորդի խորհրդական Մոհամմադ Մոխբերի հայտարարությունը եկավ հաստատելու այդ տեղեկության իսկությունը: 

Ըստ Գերագույն առաջնորդի ներկայացուցչի.

«Իրանի պայմանները չկատարելու դեպքում ավելի հարձակողական մոտեցման անցնելու վրա հիմնված վճռական ռազմավարությունը, անկասկած, կհանգեցնի ուժերի համաշխարհային հավասարակշռության փոփոխության։

Ավելին, քանի որ Միացյալ Նահանգների անկարողությունն իր դաշնակիցներին պաշտպանելու հարցում արդեն ապացուցված է, նոր տարածաշրջանային կարգի ձևավորման ամենակայուն ուղին Հորմուզի նեղուցում տնտեսական և անվտանգության մեխանիզմի ներդրումն է՝ անկախ Վաշինգտոնի ռազմական երաշխիքներից»։

Սա, ըստ էության, Իրանի Գերագույն առաջնորդի կողմից Թրամփին ուղղված վերջնագիր է` միանգամայն տեսանելի խորքային իմաստով հանդերձ: Այսինքն, եթե Իրանի առաջադրված պայմանները չկատարվեն, Թեհրանը պատրաստվում է լուծումների հասնել ոչ թե բանակցելու, այլ` «ավելի հարձակողական մոտեցման» միջոցով: Այսինքն, բանակցությունների բուն գաղափարը, որի մասին շատ է սիրում խոսել Թրամփը, սրանով պետք է փակված համարել:

Երկրորդը. Հորմուզի նեղուցի թեման եւս սրանով Թեհրանը համարում է փակված: Ավելին, այն կարգավիճակը, որում հիմա գտնվում է նեղուցը, իրոք ձեւավորում է տարածաշրջանային միանգամայն նոր աշխարհաքաղաքական ֆոն:

Այս թեմայով Թրամփը հայտարարեց Իրանի կամուրջներն ու էլեկտրակայանները ոչնչացնելու ծրագրերի մասին ԱՄՆ-ն Չինաստանին խնդրել է օգնել՝ Իրանի հետ պատերազմն ավարտել The Washington Post Փեզեշքիանը Իրանի 80 հազար մզկիթներին կոչ է արել նպաստել էներգառեսուրսների խնայողությանը Վենսը բանակցություններ է վարում Իրանի հետ պատերազմի ավարտի շուրջ. Axios Պուտինն ընդունել Իրանի գլխավոր «հարց լուծողներից» մեկին` գեներալ Ռեզաեիին