Ուկրաինան Ռուսաստանին խնդրել է դադարեցնել Սև ծովում քաղաքացիական օբյեկտների վրա հարձակումները. Reuters

Ուկրաինան Ռուսաստանին խնդրել է դադարեցնել Սև ծովում քաղաքացիական օբյեկտների վրա հարձակումները, հայտնում է Reuters-ը։

Առաջարկը Մոսկվային փոխանցվել է երրորդ կողմի միջոցով, սակայն Կիևը դեռևս պատասխան չի ստացել, հայտնել է գործակալության աղբյուրը։

Կիևի ռեժիմը պաշտոնապես չի հայտարարել ծովում հրադադարի առաջարկի մասին։ Ռուսաստանի և Ուկրաինայի զինված ուժերը շարունակում են փոխադարձ հարվածներ հասցնել նավահանգիստների մոտ գտնվող նավերին, ինչպես նաև դրանց ենթակառուցվածքներին։

Թուրքիան նախկինում կոչ էր արել Ուկրաինային և Ռուսաստանին դադարեցնել պատերազմը Սև ծովում, սակայն ո՛չ Մոսկվան, ո՛չ էլ Կիևը չեն արձագանքել։

Ուկրաինայի նման առաջարկը կարելի է հասկանալ: Մի կողմից, Ուկրաինայի արտահանումը, այդ թվում ցորենի, մետաղների եւ այլ, էապես կրճատվել են: Մյուս կողմից, Օդեսայի եւ հարակից նավահանգիստների խաթարումը հետեւողականորեն նվազեցնում է զենքի ներկրումը:

Վարջապես, ԱՄՆ-ն է պահանջել Կիեւից` դադարեցնել մասնավորապես ծովով տեղափոխվող ղազախական նավթային նավերին հարվածները: Արդյունքում, Կիեւի համար Սեւ ծովի խնդիրը դարձել է ծայրահեղ ծանր:

Հասկանալի է նաեւ, որ Մոսկվան հազիվ թե արձագանքի եւ կանգնեցնի իր համար բազմակի շահեկան դարձած այդ թատերաբեմում հարվածները:

Տե´ս նաեւ https://t.me/iravunk/70820 

Այս թեմայով Եմենի հուսիթները սկսել են վերահսկել Կարմիր ծովում նավագնացության երթևեկությունը. The Wall Street Journal ԱՄՆ-ն Չինաստանին խնդրել է օգնել՝ Իրանի հետ պատերազմն ավարտել The Washington Post 11։11. Ի՞նչ է ուզում ճակատագիրը մեզ ասել, կրկնվող թվերի օրը Ամերիկյան ուժերը խոցել են Օմանի ծոցում գտնվող նավի վրա՝ «իրանական ծովային շրջափակումը խախտելու» համար (Տեսանյութ) Մակրոնն ունի գաղտնի փախուստի գաղտնի ծրագիր՝ Ելիսեյան պալատի վրա ցուցարարների հարձակման դեպքում