«ՀԵՐՈՍԱԲԱՐ ԶՈՀՎԵԼ Է ՋՐԱԿԱՆՈՒՄ, ԱՆՕԴԱՉՈՒ ԹՌՉՈՂ ՍԱՐՔԻ ՀԱՐՎԱԾԻՑ». ԱՆՄԱՀ ՀԵՐՈՍ ՀՐԱՉ ՄԱՀՏԵՍՅԱՆ

Այսօր, օգոստոսի 19-ը, Արցախյան 44-օրյա դաժան պատերազմի անմահ հերոս ՀՐԱՉ ՄԱՀՏԵՍՅԱՆԻ ծննդյան օրն է, կդառնար 25 տարեկան։ Iravunk. com -ի Շիրակի մարզի թղթակիցը ներկա է գտնվել. Ազատանի հերոսների պանթեոն այցելեցին հարազատներ, ընկերներ, համագյուղացիներ, որդեկորույս ծնողներ, Շիրակի մարզպետ Դավիթ Առուշանյանը, նախկին մարզպետ Մուշեղ Մուրադյանը, Ազատանի վարչական ղեկավար Սեյրան Ոսկանյանը, ծաղիկներ խոնարհեցին ու խնկարկեցին։ Քահանան կատարեց օրհնության կարգ։ Անմահ հերոսի մայրը տիկին ԱԼՄԱՍՏ ՀԱՐՈՒԹՅՈՒՆՅԱՆԸ, Iravunk. com -ի Շիրակի մարզի թղթակցի հետ զրույցում, խորը ցավը սրտում նշեց. «Շատ դժվար է, երբեք չեմ կարող համակերպվել, հատկապես ծննդյան օրերին, այս սուրբ օրերին, շատ ավելի դժվար է ինձ համար։ Այժմ միակ սփոփանքը այն է, որ թոռնիկ պիտի ունենամ, տղա է ծնվելու և անունը թանկագին որդուս Հրաչիս անունը կտանք։ Արցախյան 44֊օրյա դաժան պատերազմի ժամանակ Հրաչս Մեղրիի Ագարակում էր ծառայում, հետո տեղափոխել են Հադրութ, Ջրական, մեքենայի մեջ է եղել, անօդաչու թռչող սարքի հարվածից զոհվել է հերոսաբար ընկերների հետ միասին։ Որդիս երբեք չի դժգոհել ծառայությունից, ասում էր ծառայությունը ավարտի կգա գյուղ, կզբաղվի գյուղատնտեսությամբ։ Ինչ էլ լինի, երբեք չեմ կարող հաշտվել այս դաժան իրողության հետ։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ ։ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան CNN. ԱՄՆ-ն քիչ էր մնացել, որ պատերազմ սկսեր Չինաստանի հետ ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ Եթե Ռուսաստանի և Եվրոպայի միջև պատերազմ սկսվի, ապա այն կլինի միջուկային. Լավրով ԱՄՆ–ին կհաջողվի՞ իրանում քաղաքացիական պատերազմ հրահրել