Հրանտ Լեոն-Ռանոսը նոր ակումբի կազմում նորամուտը չի կարողանում նշել

Հայաստանի ազգային հավաքականի հարձակվող Հրանտ-Լեոն Ռանոսի պաշտոնական նորամուտը իսպանական «Տեներիֆեի» կազմում դեռ չի կայացել Սեգունդայի մեկնարկային տուրերում։ Մկանային խնդիրների պատճառով հայ ֆուտբոլիստը ստիպված եղավ բաց թողնել երկրորդ տուրի՝ «Ալմերիայի» դեմ կայացած հանդիպումը (1-0):

Ինչպես հայտնում են իսպանական AS Fútbol-ը  Ռանոսին ամռան սկզբից անհանգստացնում են նաև կոճի հետ կապված խնդիրները։ Թեև առաջնության առաջին տուրում նա հայտավորված էր և խաղին հետևում էր պահեստայինների նստարանից, մկանային ցավերի կրկնվելուց հետո բժշկական անձնակազմը որոշել է ռիսկի չդիմել: Ֆուտբոլիստը ժամանակավորապես դադարեցրել է մարզումները՝ լիարժեք ապաքինվելու համար:

Նախնական տեղեկություններով՝ վնասվածքի վերականգնողական փուլը կարող է տևել մի քանի շաբաթ: Սա նշանակում է, որ Ռանոսը մեծ հավանականությամբ բաց կթողնի ակումբի առաջիկա ևս մի քանի հանդիպումները Սեգունդայում։

Հավելենք նաև, որ 23-ամյա խաղացողը իսպանական ակումբին միացել է ընթացիկ ամառային տրանսֆերային պատուհանի ընթացքում։

Այս թեմայով «Վերջապես...».AS պարբերականը` Ռանոսի նորամուտի և առաջին գոլի մասին. Որքան էլ արժեցել երկու հայ ֆուտբոլիստների տրանսֆերը լեհական ակումբ Պաշտոնական. Տիկնիզյանը` «Օլիմպիակոսի» ֆուտբոլիստ. Որքան կվաստակի հայ ֆուտբոլիստը Ռանոսը կարիերան կշարունակի իսպանական թիմում Սպերցյանը «Կրասնոդարում» կվաստակի 9 մլն, իսկ Սաուդյան Արաբիայում՝ 25 մլն եվրո. Գուրցկայա