Ռուս քաղաքագետ. Հայաստանի դեսպանի փոփոխությունը Ռուսաստանում ոչինչ չի փոխի

Ռուսաստանում Հայաստանի դեսպանի փոփոխությունը ոչինչ չի փոխի, քանի դեռ երկրի վարչապետ Նիկոլ Փաշինյանը չի փոխել իր եվրաինտեգրման քաղաքականությունը՝ ԵԱՏՄ երկրների հաշվին, հայտարարել է քաղաքագետ Իվան Մեզյուխոն։ «Լենտա.ռու»-ի հետ զրույցում նա նշել է, որ փորձառու դիվանագետը չի կարողանա շտկել Մոսկվայի և Երևանի երկխոսության դժվարությունները։

Նրա խոսքով՝ Մնացական Սաֆարյանը փորձառու հայ դիվանագետ է՝ մեծ ծառայողական կենսագրությամբ, որը հայտնի չէ հրապարակային հակառուսական հայտարարություններով։ Ամենայն հավանականությամբ, Փաշինյանը նրա առաջ խնդիր կդնի նորմալացնել հայ-ռուսական երկխոսությունը, սակայն այդ խնդրի կատարումը կախված է ոչ թե դեսպանից, այլ հենց վարչապետից։

Գործող դեսպանը, հավանաբար, հեռացվում է այն պատճառով, որ բազմավեկտոր քաղաքականության, եվրաինտեգրման կուրսի և Հավաքական անվտանգության պայմանագրի կազմակերպությունից (ՀԱՊԿ) խզման ֆոնին Փաշինյանին չի հաջողվում հասնել Ռուսաստանի հետ հարաբերություններում իր նպատակներին, կարծում է քաղաքագետը։

«Եթե Փաշինյանը չփոխի իր սպառողական վերաբերմունքը Եվրասիական տնտեսական միության նկատմամբ, ոչ մի նոր դեսպան չի կարողանա փոխել իրավիճակը միջպետական երկխոսության մեջ։ Այս անընդունելի քաղաքականությունը դժգոհություն կառաջացնի թե՛ Մոսկվայում, թե՛ ԵԱՏՄ երկրների մյուս մայրաքաղաքներում», — եզրափակել է Մեզյուխոն։

Ավելի վաղ հայտնի էր դարձել, որ Ռուսաստանում Հայաստանի դեսպանի պաշտոնի ամենահավանական թեկնածուն հանրապետության ԱԳՆ փոխղեկավար Մնացական Սաֆարյանն է։ Նշվում է, որ Սաֆարյանը համակարգում է Ռուսաստանի և Անկախ Պետությունների Համագործակցության (ԱՊՀ) այլ երկրների հետ հարաբերությունների զարգացումը։ Լրագրողները նաև նշել են, որ, ըստ լուրերի, նա նորմալ հարաբերությունների մեջ է Ռուսաստանի արտաքին գործերի նախարար Սերգեյ Լավրովի և ռուսաստանցի այլ բարձրաստիճան դիվանագետների ու քաղաքական գործիչների հետ։

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Մաղթում ենք խաղաղ կյանք և բարգավաճում․ ՀՀ-ում ՌԴ դեսպանությունը շնորհավորել է Հայաստանի ժողովրդին Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Քվեարկողների շատ մեծ հոսք է, հայկական կողմն ապահովում է անվտանգությունը. ՀՀ-ում ՌԴ դեսպան ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն