Ալեն Սիմոնյանի հայտարարությունները հայկական հյուրընկալությանը հաղորդում են «թունավոր քաղաքական երանգ». Զախարովա

ՌԴ ԱԳՆ պաշտոնական ներկայացուցիչ Մարիա Զախարովան ԶԼՄ-ների համար մեկնաբանությունում սադրիչ է անվանել Հայաստանի Անվտանգության խորհրդի քարտուղար Ալեն Սիմոնյանի հայտարարությունները հանրապետության՝ ռուսաստանցի այն քաղաքացիների նոր ալիք ընդունելու պատրաստակամության մասին, որոնք ցանկանում են խուսափել ռազմաճակատ ուղարկվելուց։

«Ա. Ռ. Սիմոնյանի հայտարարությունները մենք համարում ենք սադրիչ։ Ըստ էության, դրանք ռուսաստանցի քաղաքացիներին դրդում են անօրինական գործողությունների և ավանդական հայկական հյուրընկալությանը հաղորդում են թունավոր քաղաքական երանգ», — հայտարարել է Զախարովան։

Նա նշել է, որ Սիմոնյանը «Դոժդ» հեռուստաալիքին տված հարցազրույցում տրվել է «գիտակցաբար սադրիչ ձևակերպված հարցին» և ներքաշվել է Ռուսաստանում իբր հնարավոր մոբիլիզացիայի մասին շահարկումների մեջ, որոնք, դիվանագետի խոսքով, բազմիցս հերքվել են ռուս պաշտոնատար անձանց կողմից։

ՌԴ ԱԳՆ-ում նաև հայտարարել են, որ շարունակվում է պաշտոնական Երևանի ներկայացուցիչների կողմից հրապարակային հայտարարությունների տարածման միտումը, որոնք «խաթարում են Մոսկվայի հետ երկկողմ համագործակցությունը»։

Զախարովան հիշեցրել է, որ 2026 թվականի փետրվարին Ռուսաստան կատարած այցի ընթացքում Սիմոնյանը խոսում էր ռուս-հայկական կապերի զարգացման կարևորության մասին։

Նրա կարծիքով՝ Հայաստանի Անվտանգության խորհրդի քարտուղարի ներկայիս մեկնաբանությունները վկայում են Երևանի՝ «Արևմուտքին և Կիևի ռեժիմին հաճոյանալու» ձգտման մասին։

Այս թեմայով Երևանը արտերկրում ընտրողների ակտիվությամբ առաջատարներից է․ Զախարովա Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Արթիկում՝ 4 քաղաքական ուժ, Ախուրյանում՝ 1․ ավարտվել են ՏԻՄ ընտրությունների առաջադրումները Քվեարկողների շատ մեծ հոսք է, հայկական կողմն ապահովում է անվտանգությունը. ՀՀ-ում ՌԴ դեսպան 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան