Շուտով կիմանաք, ով եմ ես եւ ինչ եմ ինձնից ներկայացնում. Վահագն Մկրտչյան

Ամառն արդեն անցյալում է, ու շատերն ամեն կերպ փորձել են վայելել արեւն ու ջուրը։ Շատ հայտնիներ իրենց լուսանկարներով կիսվել են սոցիալական ցանցերում եւ երբեմն էլ հպարտությամբ պատմել, թե ինչ գեղեցիկ ու շքեղ հանգիստ են ունեցել 2026-ի ամռանը։ Սակայն շատերի կողմից սիրված ու ճանաչված կերպարներին՝ հոպարին եւ հնդիկին, մարմնավորած հայտնի դերասան, հումորիստ եւ բլոգեր ՎԱՀԱԳՆ ՄԿՐՏՉՅԱՆԸ չի հասցրել հանգստանալ այս ամռանը։ Փոխարենը նա մեծ նախագիծ է պատրաստել իր երկրպագուների համար, ինչի մասին էլ անկեղծացել է «Իրավունք»-ի հետ զրույցում։

— Վահագն, ինչպե՞ս անցկացրեցիք ամառը եւ որտե՞ղ:

— Ամառը հիմնականում անցկացրել եմ Հայաստանում ու պիտի ասեմ, որ շատ շոգ է եղել. համենայն դեպս՝ չգիտեմ ուրիշներն ինչպես, բայց ես շատ եմ շոգել:  

— Ոչ մի տեղ չե՞ք հանգստացել։

— Իրականում՝ ոչ, աշխատանքների մեջ ենք եղել ու  չենք հասցրել, բայց սեպտեմբերից հուսամ՝ ինչ-որ բան կլինի։

— Իսկ հումորային նոր երգեր կլինե՞ն։

— Հումորային տեսքով երգեր, հնարավոր է լինեն, բայց դեռ մտածում եմ, քանի որ որոշել ենք այնպես անել, որ ոչ միայն հումորային լինի, այլ նաեւ կոմերցիոն: Իմ կողմից մարմնավորված «հոպարին» հանդիսատեսը լսում է, բայց ինքն այդքան էլ կամերցիա չէ։

— Փակագծեր կբացե՞ք, ինչի՞ մասին է խոսքը:

— Դեռեւս՝ ոչ, բայց շատ «թույն» պրոյեկտ է սպասվում, որը, հուսամ՝ շատերին դուր կգա։ Հավանական է, որ լինի սեպտեմբերին ու այն հնարավոր կլինի դիտել յութուբյան հարթակում:

— Ամեն դեպքում, իր հայտնիությամբ ու դիտելիությունների քանակով հոպարը հաղթո՞ւմ է հնդիկին, թե՞ հակառակը:

— Կարծում եմ՝ 50-50 է, որովհետեւ ե՛ւ հոպարին գիտեն, ե՛ւ հնդիկին: Այսինքն, իմ կողմից ստեղծված երկու կերպարներին հանդիսատեսը լավ գիտի, բայց ինձ՝ չգիտի: Ու հիմա այդ հաղորդումը, որի վրա աշխատում եմ, ունի միտում, հանդիսատեսին ներկայանալու եւ ցույց տալու թե ես ով եմ ու ինչ եմ ինձնից ներկայացնում: Այնտեղ ոչ մի կերպար չեմ խաղալու, լինելու եմ Վահագն Մկրտչյանը, բայց թե ինչ է լինելու՝ կիմանաք շուտով։

ՆԱՆԱ ՍԱՐԳՍՅԱՆ

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Վահագն Ալեքսանյանի խոսքով՝ հաջորդ նկատողությունից հետո Հայկ Սարգսյանը, ենթադրաբար, ՔՊ-ից կհեռացվի ՇՏԱՊ. ՀՀ նախագահ անճանաչելիորեն փոխվել է. ՖՈՏՈ Դատարանը կարող է հրաժարվել գործը քննելուց միայն օրենքով նախատեսված հիմքով, բայց չի կարող հրաժարվել արդարադատություն իրականացնելուց Շնորհակալ եմ յուրաքանչյուրիդ՝ չլռելու, անհանգստանալու, աջակցելու և մեր կողքին լինելու համար․ Չախալյան