Բավորությամբ և պրոֆեսիոնալիզմով Սպերցյանը շատ նման է Հենրիխ Մխիթարյանին. Մելիքյան

Հայաստանի ազգային հավաքականի գլխավոր մարզիչ Եղիշե Մելիքյանը ռուսական «Чемпионат» պարբերականի հետ զրույցում անդրադարձել է կիսապաշտպան Էդուարդ Սպերցյանի՝ «Կրասնոդարից» սաուդյան «Ալ-Ահլի» տեղափոխությանը՝ գնահատելով ֆուտբոլիստի ներկայիս վիճակն ու ապագա հեռանկարները։

«Ես շատ ուրախ եմ Էդուարդի համար: Նա մեզ համար առանցքային ֆուտբոլիստ է, հավաքականն առանց նրա նույնիսկ չեմ պատկերացնում։ Շատ եմ անհանգստանում և երկրպագում նրան, որպեսզի ամեն ինչ հարթ ընթանա, չէ՞ որ դրանից են կախված նաև ազգային թիմի արդյունքները: Արդեն իսկ երևում է, որ նա իրեն հիանալի է զգում նոր ակումբում:

Սաուդյան Արաբիայից Եվրոպա տեղափոխվելն ավելի իրատեսական ու հեշտ է, քան Ռուսաստանից: Սպերցյանի տարիքը թույլ է տալիս դեռ երկար տարիներ փայլել բարձր մակարդակով։ Նա հատկապես կհամապատասխաներ իտալական ակումբներին, բայց կարող է խաղալ ցանկացած առաջնությունում։

Համոզված եմ՝ նրա նկատմամբ հետաքրքրությունը գնալով միայն կաճի. թող ակումբները պայքարեն նրա համար, նա դրան արժանի է:

Իր բնավորությամբ և պրոֆեսիոնալիզմով Սպերցյանը շատ նման է Հենրիխ Մխիթարյանին՝ նույնքան մարտական է և քրտնաջան աշխատող։ Ուստի հուսով եմ, որ Էդուարդի կարիերայում ևս կլինեն «Ինտերի» և «Մանչեսթեր Յունայթեդի» մակարդակի թիմեր»։

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը «Հրապարակ»․ Էդուարդ Թոփչյանը եւ կինը` իրավապահների ուշադրության կենտրոնում «Գրատախտակին գնալու» մասին խոսելուց առաջ արժե հիշել ամենակարեւորը․ Հենրիխ Դանիելյան Էդ ձեր ասած սպանությունների ժամանակ Ռուբեն Մխիթարյանը 12 տարեկան երեխա ա էղել, ի՞նչ հարցեր էիք տալիս Կիվուն խոսել է Մխիթարյանի մեկնարկային կազմ վերադարձի մասին