Իսրայելը սպառնացել է հարվածել Իրանի էներգետիկ օբյեկտներին՝ ի պատասխան հնարավոր հարձակումների

Իսրայելի պաշտպանության նախարար Իսրայել Կացը հայտարարել է, որ Թեհրանի կողմից հարվածի դեպքում իր երկիրը կթիրախավորի Իրանի բոլոր ենթակառուցվածքները, այդ թվում՝ էներգետիկ օբյեկտները։ «Արմենպրես»-ի փոխանցմամբ՝ այս մասին հաղորդում է The Times of Israel-ը։

«Մենք տեսնում ենք նշաններ, որ հզոր տնտեսական ճնշումը, որի ներքո գտնվում է  Իրանը, և ապստամբության ու վարչակարգի կործանման ահը կարող են նրանց դրդել հուսահատ միջոցների», – պնդել է Կացը հրեական Նոր տարվա կապակցությամբ Պաշտպանության նախարարության աշխատակիցների հետ հանդիպմանը։

Դատելով այն մասին, թե Իրանը կարող է հարված հասցնել  Իսրայելին, նախարարը սպառնացել է դաժան պատասխան միջոցներով:

«Իրանի հարձակումն Իսրայելի վրա մեզ կազատի բոլոր սահմանափակումներից։ Մենք կհարվածենք բոլոր ենթակառուցվածքներին, այդ թվում՝ էներգետիկ ենթակառուցվածքին, և  կվերադարձնենք Իրանը դեպի քարի դար և խավար», – ասել է նա:

Կացը հավելել է, որ Իսրայելը պատրաստ կլինի ցանկացած զարգացման՝ ինչպես պաշտպանության, այնպես էլ հարձակման առումով։

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ԻՀՊԿ. Գերմանիայում կայացած գաղտնի հանդիպման ժամանակ որոշվել է ռազմական գործողություններ ձեռնարկել Իրանի և Եմենի դեմ  Իսրայելը ոչնչացնում է Թուրքիայի զինամթերքի պահեստները Սիրիայում Իրանը խոշոր ուժեր է տեղակայել բոլոր սահմաններում՝ հնարավոր ցամաքային հարձակումը հետ մղելու համար ՇՏԱՊ. 36-ամյա գործարարին մահացած են գտել. Հրապարակ