Գնալու ենք եւ ընտրելու ենք «Միասնական Ռուսաստանը»․ Արթուր Ղազարյան

Մոտենում են Ռուսաստանի Դաշնության ընտրությունները, որոնք յուրաքանչյուրիս համար կյանքի և մեր ապագայի վերաբերյալ կարևոր որոշում կայացնելու պահ են։ Այսօր մենք ապրում ենք մի երկրում, որը հզոր է, կայուն և հարգված է աշխարհում։ Եվ պետք է շիտակ լինենք՝ այս ամենը պատահականություն չէ, այլ «Միասնական Ռուսաստան» («Единая Россия») կուսակցության երկարատև, հետևողական և տքնաջան աշխատանքի արդյունքն է։

 

Մեր օրինակով մենք տեսնում ենք տարբերությունը։ 2018 թվականին Հայաստանում մեր հայրենակիցները իշխանության բերեցին մեկին, ում այն ժամանակ վստահում էին, բայց որի հետևանքով հետագայում ականատես եղանք ողբերգական զարգացումների՝ առանց աչք թարթելու Արցախի հանձնմանը և անվերջանալի զիջումների, որոնք շարունակում են վտանգել Հայաստանի գոյությունը։ Ինչո՞ւ դա տեղի ունեցավ։ Որովհետև Հայաստանում չկար մի պետականակենտրոն, հզոր քաղաքական ուժ՝ «Միասնական Ռուսաստանի» նման, որը կառաջնորդվեր ոչ թե ժամանակավոր պոպուլիզմով, այլ երկրի անվտանգության և պետականության շահերով։

 

Ահա 10 պատճառ, թե ինչու եմ հորդորում ընտրել հենց «Միասնական Ռուսաստանը».

 

1. Պետականակայունություն.

 

Կուսակցությունը երաշխավորում է Ռուսաստանի հզորությունը, ինչը թույլ է տալիս բոլորիս՝ այդ թվում ՌԴ-ում ապրող հայերիս, ապահով զգալ մեզ։

 

2. Իրական գործեր.

 

Սա ուժ է, որը գիտի հողի և պատմական ժառանգության արժեքը և շարունակում է մեր պապերի գործը՝ հզորացնելով երկիրը։

 

3. Դասեր անցյալից.

 

Տեսնելով այլ երկրների փորձը՝ հասկանում ենք, որ «Միասնական Ռուսաստանի» գաղափարախոսությունը երաշխիք է ռազմավարական սխալներից խուսափելու համար։

 

4. Տնտեսական հզորացում.

 

Կուսակցության քաղաքականությունը նպաստում է տնտեսության կայուն աճին, ինչը աշխատատեղերի և բարեկեցության հիմքն է։

 

5. Անվտանգության ապահովում. Արտաքին մարտահրավերների դեմ պայքարում հստակ ուղեգիծ ունեցող քաղաքական ուժ։

 

6. Ավանդական արժեքների պաշտպանություն. Արժեհամակարգ, որը համահունչ է հայկական ավանդույթներին ու մտածելակերպին։

 

7. Հասարակական համերաշխություն. Բազմազգ Ռուսաստանի միասնականությունը պահպանող քաղաքական ուժ։

 

8. Ենթակառուցվածքների զարգացում. Ոչ թե դատարկ խոսքեր, այլ կոնկրետ կառուցված դպրոցներ, հիվանդանոցներ և ճանապարհներ։

 

9. Ապագայի կանխատեսելիություն.

 

Ընտրելով այս կուսակցությունը՝ մենք ընտրում ենք կանխատեսելի և անվտանգ ապագա մեր ընտանիքների համար։

 

10. Պատասխանատվություն երկրի առջև. Քվեարկելով՝ մենք մասնակից ենք դառնում Ռուսաստանի ամրապնդմանը, որտեղ ապրում, աշխատում և ստեղծագործում ենք։

 

Հարգելի՛ հայրենակիցներ, եկեք ցուցաբերենք քաղաքացիական հասունություն։ Մեր ձայնը պետք է լինի հանուն կայունության, հանուն հզոր Ռուսաստանի։ Գնալու ենք և ընտրելու ենք «Միասնական Ռուսաստանը»։