Ի՞նչ ուղերձ է հղում Փաշինյանը՝ չոր ռեփի տակ

Օրերս ժամանցային հաղորդման շրջանակներում ՆԻԿՈԼ ՓԱՇԻՆՅԱՆԸ, խոսելով իր սոցիալ մեդիա մարկետինիգի մասին, ասաց, որ մի ողջ թիմ է աշխատում նրա նկարահանումների, տեսանյութերի վրա:

Ենթադրում ենք, որ թիմում հաստատ կգտնվեն երիտասարդներ, ովքեր շատ լավ կտիրապետեն անգլերենին, թեեւ ինչպես նկատել ենք, Փաշինյանը եւս որոշակիորեն տիրապետում է: Հետեւապես, հարց է ծագում, անգլալեզու երգերի տակ ռիլ (15-90 վայրկյան տեւողությամբ կարճ տեսանյութեր) նկարելուց առաջ Փաշինյանը լսո՞ւմ է երգի բառերը, թե՞ նրան՝ որպես սկսնակ թմբկահարի, միայն բիթն է հետաքրքրում:

Այն, որ Նիկոլ Փաշինյանը իր սրտիկներն ուղարկում է, օրինակ, «Վնաս»-ի երգերի տակ, գուցե երիտասարդությանն ինչ-որ առումով դուր գա: Այն, որ սրտիկները գնում են Արաքսյա Վարդերեսյանի կատարման տակ եւս կարելի է հասկանալ, բայց ոչ մի կերպ չի ընկալվում սեւամորթների «Ռեյ Սրեմըրդ» ամերիկյան հայտնի հիփ-հոփ դուետի՝ չոր ռեփը, երբ այն իր խոսքում ասում է հետեւյալը. «Այս աղջիկն իսկապես ուրախացնում է ամբոխին։ Օ՜, այո։ Աշխարհը փոքր է․ նրա բոլոր ընկերները գիտեն իմ մասին։ Երիտասարդ ցուլ՝ ծերուկի պես դիմացկուն։ Արագ հանեք կանխիկը, նայեք, թե ինչպես է այն դանդաղ ընկնում...»։ Իսկ երգը ընդհանուր առմամբ, այն մասին է, որ ազատ ապրելը, հաճույքներ վայելելը եւ անթույլատրելին թույլատրելը լավ է:

Հետաքրքիր է, ո՞վ է Փաշինյանին խորհուրդ տալիս լսել նման երաժշտություն, որն անմիջական կպչում է վերջինիս «սրտիկին» եւ ստիպում այն մեզ փոխանցել: Ի՞նչ հորդոր է նա հղում դրանով լայն հանրությանը։ Եվ ուրեմն՝ Թուփակ Շակուռ՝ Forever...

ՆԱՆԱ ՍԱՐԳՍՅԱՆ

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Փաշինյանը նպատակ ունի կտրել թաղման նպաստները Ռուսաստանի հետ մեր հարաբերությունները անխուսափելիորեն փոխվելու են․ Փաշինյան Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը