Խնդրում ենք վարչապետին քայլեր ձեռնարկել քաղաքային բյուջեն հոր «դուքյանի» վերածած համայնքապետից մեզ ազատելու համար. Ահազանգում են վայքեցիները

«Իրավունքը» շարունակում է մարզային ընթերցողներից ստանալ մարզային չինովնիկների, մեղմ ասած, բեսպրիդելության վերաբերյալ ահազանգեր։ Հույս հայտնելով, որ հանրայնացնելուց հետո գուցե վարչապետը եւ պատկան մարմինները կգնան ահազանգի հետքերով։

Այս անգամ մեր «հերոսը» կոռուպցիոն սկանդալներով ՏԻՄ ոլորտում չեմպիոնի տիտղոսի հավակնորդ Վայքի  ՔՊ-ական քաղաքապետ Մխիթար Մաթևոսյանն է, ով հայտնի է իր կնոջը պատկանող ընկերության հետ 537 միլիոն դրամի պայմանագրեր կնքելով, ընդ որում՝ այն նույն ընկերության, որը մինչեւ համայնքապետ դառնալը ղեկավարում էր հենց ինքը՝ Մխիթար Մաթևոսյանը, սակայն համայնքի ղեկավար ընտրվելուց հետո ընկերության իր բաժնեմասն ու կառավարումը հանձնել է կնոջը՝ Մերի Մարգարյանին։

Պարզվում է, համայնքային բյուջեն հոր «դուքյանի» վերածած համայնքապետը նման ճոխ-ճոխ որոշումներ կայացնում է, ինչպես ինքն է արտահայտվում մասնավոր զրույցներում, իրա ամուր թիկունքների հաշվին.«Ինձ համար վարչապետի մոտ «օտիդո» բարեխոսում է Գնել Սանոսյանը, իմ թիկունքը ամուր է, ով ինչ ուզումա անի»,-գլուխ է գովում վերջինս։

Աղբյուրը ահազանգում է նաեւ, որ վերջինիս հանդեպ քաղաքում լուրջ դժգոհություն է հասունանում, որը ձնագնդի էֆեկտով տեղափոխվում է դեպի անվստահություն իշխող ուժի նկատմամ.«Համայնքարին բյուջեով անգրագետը սեփական բիզնեսն է ծաղկեցնում, մի բան էլ գլուխ գովում, թե իրան Կառավարությունում «կռիշավատ են» անում։ Վայքը դարձրել է մեռյալ քաղաք, ոչ մի աշխուժություն չկա, խնդրում ենք վարչապետին քայլեր ձեռնարկել քաղաքային բյուջեն սեփական բիզնեսի համար ծառայեցնող համայնքապետից մեզ ազատելու համար», -վրդովված ասաց վայքեցին։

Նկատենք, որ իրեն սրբի տեղ դրած, խեղճ ու կրակ կեցվածքով համայնքապետը այս ու այն կողմ գլուխ է գովում, թե ինքը «Գալիք» համալսարանի շրջանավարտ է, բայց հենց հարցնում են, օրինակ, ովքեր են կուրսեցիներդ, որ տարիներին ես սովորել՝ համայնքապետը սեկրետ է ընկնում։

Ենթադրությունները թողնում ենք ընթերցողին:

Հ.Գ. Իսկ մենք ահազանգի հետքերով դեռ անդրադարձ կունենանք խեղճ ու կրակ խաղաղացող համայնքապետի արկածներին։

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք «Միացյալ Ռուսաստանը» առաջատարն է Դումայի ընտրություններում՝ քվեաթերթիկների ավելի քան 75%-ը մշակելուց հետո Ռամզան Կադիրովը Չեչնիայի ղեկավարի ընտրություններում ստացել է 99,85% ձայն ԻՀՊԿ. Գերմանիայում կայացած գաղտնի հանդիպման ժամանակ որոշվել է ռազմական գործողություններ ձեռնարկել Իրանի և Եմենի դեմ