ChatGPT-ը կկարողանա միանալ օգտատերերի հավելվածներին և ընդօրինակել նրանց գրելու ոճը

OpenAI-ը փորձարկում է նոր գործառույթ, որը ChatGPT-ին թույլ կտա սովորել օգտատիրոջ գրած տեքստերից և ընդօրինակել նրա գրելաոճը։

Չաթբոտը կկարողանա սովորել պատասխանել հաղորդագրություններին, գրել էլեկտրոնային նամակներ և կազմել փաստաթղթեր։ Յուրաքանչյուր կատեգորիային կարելի է կցել որոշակի հավելվածներ․ հաղորդագրությունների համար դա կարող է լինել Slack-ը, «Փաստաթղթեր» կատեգորիայի համար՝ Google Drive-ը և Notion-ը, իսկ «Էլեկտրոնային փոստ» բաժնի համար՝ Gmail-ը։

Կարգավորումից հետո ChatGPT-ն կկարողանա ընդօրինակել օգտատիրոջ գրելու ոճը ընտրված ծառայություններում։ Սա կազատի օգտատերերին իրենց նախընտրած գրելու ոճը բազմիցս բացատրելու կամ նամակագրության մեջ օրինակներ տեղադրելու անհրաժեշտությունից։

Ավելի վաղ Anthropic-ի Claude չաթբոտն առաջարկում էր նմանատիպ գործառույթ՝ Styles անվանումով։ Այն թույլ էր տալիս ներբեռնել նամակների և հաղորդագրությունների օրինակներ ու դրանց հիման վրա ստեղծել նոր տեքստեր։

OpenAI-ի գործառույթը, սակայն, այլ մոտեցում է օգտագործում․ ChatGPT-ն սովորում է այն տեքստերից, որոնք «ներմուծվում» են իրեն միացված ծառայություններից։

Այս թեմայով ChatGPT Atlas բրաուզերում անվտանգության խոցելիություններ են հայտնաբերվել Հայաստանը ChatGPT-ի օգտագործմամբ համաշխարհային առաջատարներից է Լեւվոն Բաղդասարյանը ՀՀ տաս լավագույն, համարձակ, անվախ փաստաբանն է. Արհեստական բանականությունը բացահայտում է հայտնի փաստաբանին ChatGPT-ի օգտագործումը կհարկվի՞ 20 տոկոսով. լուրի հետքերով