«Ռուսաստանը պետք է ավարտին հասցնի հատուկ ռազմական գործողությունը, որպեսզի հետո ոչ ոք ծպտուն չհանի»․ Մեդվեդև

Ռուսաստանի Անվտանգության խորհրդի փոխնախագահ Դմիտրի Մեդվեդևը հայտարարել է, որ Ռուսաստանը պետք է «հատուկ ռազմական գործողությունը» հասցնի «հաղթական ավարտին», որպեսզի հետագայում որևէ մեկը չկարողանա վերանայել կամ չեղարկել դրա արդյունքները, հայտնում է «Կոմերսանտը»:

«Մենք պետք է մինչև վերջ՝ հաղթական ավարտի հասցնենք հատուկ ռազմական գործողությունը և այնպիսի վերջակետ դնենք, որ հետո ոչ ոք ծպտուն չհանի ու չփորձի ամեն ինչ նորից հետ շրջել», — Հյուսիսարևմտյան դաշնային տարածաշրջան կատարած այցի ընթացքում ասել է Մեդվեդևը:

Ավելի վաղ Ռուսաստանի նախագահ Վլադիմիր Պուտինը հայտնել էր, որ մարտական գործողությունների գոտում ռուսական զորախմբի թվաքանակն անցնում է 700 հազարից:

Օգոստոսի վերջին Մեդվեդևը հայտարարել էր, թե «տեսանելի ապագայում» Ռուսաստանն ակնկալում է հաղթանակի հասնել հատուկ ռազմական գործողությունում: Ռուսաստանի զինված ուժերի գլխավոր շտաբից ևս պնդում էին, որ մարտական գործողությունների գոտում ռուսական զորքերի առաջխաղացման տեմպերը չեն դանդաղում:

Այս թեմայով Վիրավոր իմ Հայաստան, դու դեռ ուղղելու ես քո ողնաշարը «Միացյալ Ռուսաստանը» առաջատարն է Դումայի ընտրություններում՝ քվեաթերթիկների ավելի քան 75%-ը մշակելուց հետո Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ԻՀՊԿ. Գերմանիայում կայացած գաղտնի հանդիպման ժամանակ որոշվել է ռազմական գործողություններ ձեռնարկել Իրանի և Եմենի դեմ  Կիևի մոտակայքում հարվածից հետո հրեշավոր հրդեհ է բռնկվել