Նիկոլը բնում է ոչնչացնում նախկին թիմակիցներին, էդ ես եմ Ձեզ ասում․ Աղազարյանը՝ Հայկ Սարգսյանի շուրջ հնարավոր զարգացումների մասին

Անդրադառնալով վերը նշյալ Նիկոլ Փաշինյանը լրագրողների հետ ճեպազրույցում այսպես էր արձագանքել․ «Իմ սիրելի գործընկերը հենց 2018-ից օլիգարխ դառնալու հավակնություններ է ցուցաբերել, և ես թույլ չեմ տվել էդ հավակնությունների զարգացումը։ Հայկը Սևանի ափին ապօրինի գործունեություն է փորձել ծավալելու և այդ ընթացքում իմ անունը շահարկել։ Այս պնդումների առնչությամբ իրավապահ համակարգում արդեն կան քրեական վարույթներ և այլ ահազանգեր»։

 

Ինչո՞ւ հիմա Փաշինյանը հիշեց՝ Հայկ Սարգսյանի ապօրինությունները հարցի շուրջ զրուցել ենք ՔՊ-ից հեռացված նախկին պատգամավոր ՀՈՎԻԿ ԱՂԱԶԱՐՅԱՆԻՑ․

 

-Փաշինյանը անցել է կոմպրոմատների պատերազմի՝ նա այս կերպ հաթաթա է տալիս նաեւ թիմի մյուս անդամներին, որ տեսեք հա՝ Հայկից նվիրված չլինեք, տեսեք ինչ օրն եմ գցում ու գցելու՝ մի հատ թպրտաք՝ նույնը Ձեզ հետ է լինելու։ Հիմա, թե ինչու է հիմա հիշել, ես կարող եմ ենթադրել, որ այս ամենը արվում Տիգրանաշենը հանձնելու ֆոնին։ Նա, ըստ երեւույթին, հասկացել է, որ Քոչարյանի ու մնացածների հետ աղմկոտ շոուները բավարար չեն, որ ժողովուրդը նորից իրեն ծափ տա, դրա համար հիմա անցել է հեղափոխականներին բնաջնջելու գործին։ Որ ցույց տա ժողովրդին, որ ինքը ինչքան ազնիվ է, որ չի խնայում անգամ իր թիմակիցներին, եթե վերջիններս օրենքից վեր են իրենց դասում։ Այ հիմա նրա հերթկան թիրախը Հայկն է դարձել, հիմա Փաշինյանը անցել է պլան Բ-ին, անում է երկրորդ հեղափոխությունը՝ թիմակիցների զոհաբերման հեղափոխությունը։ Տեսեք ինչ է ասում՝ ասում է Հայկին ճանաչում է երեխա ժամանակվանից, բայց եթե ճանաչել ես երեխա ժամանակվանից, ու հետո նկատելես, որ ուզում է այլ ճանապարհով գնա՝ ինչո՞ւ ժամանակին ձեռքը չես բռնել, եթե այդքան ազնիվ ես։ Չէ, նա դա պահել է այ այսօրվա համար, որպեսզի ժերտվա տվողների ցանկը բավականին հարուստ լինի։ Հայկ Սարգսյանի հետ ամենամոտը ինքն է եղել ու ինքը փաստացի օգտագործել է Հայկին, որ պատեհ առիթին դնի ժերտվայի սեղանին, որպես օրինակ։

 

 

-Չեմ կարծում, որ Ալենին ներվել է նրա քայլերը, Փաշինյանը սկզբում ոչնչացրեց, հետո ի ցույց տվեց բոլորին, որ կարող եմ համ ոչնչացնել, համ էլ երբ ուզեմ ասեմ՝ դե արի, ինքն էլ խելոք գա, էսա ներվելու բան չկա։ Ինքը լավ գիտեր նաեւ, որ Ալենը երկար պարապ մնար, կարար հակազդեցության խաղեր տալ, հիմա բերեց ասեց՝ էս քեզ պաշտոնը զբաղվի։

 

 

-Ո՛չ, հնարավոր չէ, ես յոթ տարի առաջ եմ ասել, ու նույնը հիմա եմ կրկնում՝ նրանք ովքեր այս կամ պատճառով կհեռանան Փաշինյանից իրենք այլեւս որպես քաղաքական դեմք վերանալու են՝ դա վերաբերել է նաեւ ինձ։ Հիմա յոթ տարի առաջվա Աղազարյանը ու հիմիկվա Աղազարյանը՝ հո նույնը չեն։ Օրինակ, Նիկոլը կարող է ԼՏՊ-ին դավաճանել ու մնալ նույն Նիկոլ Փաշինյանը, իսկ մենք չենք կարող իրեն դավաճանել ու մնալ քաղաքական դաշտի երեսին։ Հետեւաբար, հնարավոր չէ նախկին ՔՊ-ականների համախմբումը՝ Նիկոլը բնում է ոչնչացնում նախկին թիմակիցներին, էդ ես եմ Ձեզ ասում։