«Ժողովուրդ». Թեժ իրավիճակ՝ Մեղրիի ընտրությունների նախաշեմին

«Ժողովուրդ» օրաթերթը գրում է. «Մեղրի համայնքապետի ընտրությունների շուրջ իրավիճակը օր օրի ավելի է թեժանում։ ArmLur.am-ի տեսանկարահանող խումբն այս օրերին գտնվում է Սյունիքի մարզի Մեղրի համայնքում, որտեղ բնակիչների հետ զրույցների ընթացքում արձանագրել է մի շարք ուշագրավ հանգամանքներ։ Մեղրիում համայնքապետի կալանավորման վերաբերյալ քաղաքացիների անձնական վերաբերմունքի մասին հարցումները վկայում են կալանավորված համայնքապետ Խաչատուր Անդրեասյանի բարձր վարկանիշի մասին։

Տեղացիների համար հատկանշական է նաև այն, որ Անդրեասյանի կալանավորման հաջորդ օրը Սյունիքի մարզպետ Ռոբերտ Ղուկասյանը Մեղրիում ավագանու բոլոր անդամների ներկայությամբ խորհրդի նիստ էր հրավիրել և հայտարարել, որ վարչապետ Նիկոլ Փաշինյանը հանձնարարել է շուտափույթ Մեղրիի համար թեկնածու գտնել։

Մեղրի համայնքի բնակիչները նաև ընդգծում են, որ Խաչատուր Անդրեասյանի կալանավորումից երկու օր անց շահագործման է հանձնվել նախկին համայնքապետ Բագրատ Նիկոյանի բենզալցակայանը՝ մարզպետի թույլտվությամբ, որի շահագործումը, ըստ նրանց, կասեցրել էր հենց Սյունիքի մարզպետ Ռոբերտ Ղուկասյանը։

Ըստ բնակիչների՝ մարզպետը շահագրգռված է աջակցելու Սերգեյ Գալստյանին։ Եվ, ինչպես սեպտեմբերի 15-ին հայտնի դարձավ, Սերգեյ Գալստյանի թեկնածությունն արդեն հաստատվել է, և նա մասնակցելու է Մեղրիում սպասվող ՏԻՄ ընտրություններին։

Մեղրիի բնակիչները նաև շեշտում են, որ Անդրեասյանը փորձում էր անհապաղ քայլեր ձեռնարկել՝ փակելու Տերտերասարի հանքի անօրեն շահագործումը։ «Առաջնային նպատակներից մեկը դա էր»,— ասում է Մեղրիի բնակիչներից մեկը և ապա հավելում. «Իմանալով, որ դա անօրեն է, ինչո՞ւ պիտի Անդրեասյանը վերահսկողությունը իր ձեռքը առներ»։

Ապօրինի հանքի համար կալանքի են տարել, բայց հանքը աշխատում է։

Տեղացիները նաև ուշադրություն են հրավիրում այն հանգամանքի վրա, որ տվյալ հանքի անօրեն շահագործման համար կալանավորել են Անդրեասյանին, սակայն հանքը շարունակում է աշխատել։

Մեղրի համայնքի բնակիչները մեզ նաև հայտնեցին, որ կալանավորումից հետո բոլոր թեկնածուները հանում են իրենց անունները, այդ թվում՝ ՔՊ-ով առաջադրված Վարդան Հայրապետյանը։ Ըստ նրանց՝ այս կերպ Նիկոլ Փաշինյանը ճանապարհ է բացում մոտ 40-ամյա գործարար Սերգեյ Գալստյանի համար։

Կրկին նրանց իսկ խոսքով՝ վերջինս «40 տարեկանում 5 է պակաս Երևանի խոշոր գործարարներից»։ «Դաշտն է չեզոքացնում»,— վստահ են Մեղրիի բնակիչները։

Նրանք նշում են, որ Խաչատուր Անդրեասյանը շարունակում է մնալ ՔՊ-ի ցուցակում և անգամ նախագահում է տեղի խորհուրդը։ Նրա թեկնածության փաստաթղթերը, ըստ բնակիչների, դեռ վաղուց ներկայացրել էր հենց Անդրեասյանը։ Այժմ սպասում են դրանց հաստատմանը, որի վերջնաժամկետը սեպտեմբերի 20-ն է։

Տեղացիները նաև շեշտում են, որ Նիկոլ Փաշինյանը, այնուամենայնիվ, չի կարողանում ամբողջովին վստահել Խաչատուր Անդրեասյանին, քանի որ համապետական ընտրություններին Մեղրիի՝ ՔՊ-ին տված 62% քվեն, ըստ նրանց, Անդրեասյանի «խաթր»-ով էր։ Հակառակ դեպքում Նիկոլ Փաշինյանին Ագարակում, ինչպես նախորդ անգամ, հայտնի «Սյունյաց ողջույններ»-ով կդիմավորեին։

Նիկոլ Փաշինյանը չի՞ մոռացել»։

Առավել մանրամասն թերթի այսօրվա համարում

Տե´ս նաեւ https://t.me/iravunk/72195 

Այս թեմայով Աթոռամարտ. Ավինյան-Ալեն Սիմոնյան թեժ պայքար է ՔՊ-ում. «Ժողովուրդ» Երկու տարում Մասկն ԱՄՆ ընտրությունների վրա ավելի շատ գումար է ծախսել, քան Ջորջ Սորոսն իր ողջ կյանքում «Փաստ». Արտահերթ ընտրությունների սպառնալիքը ՏԻՄ ընտրությունների նախնական արդյունքները՝ ըստ ՏԿԵ նախարարի ՏԻՄ ընտրությունների առաջին արդյունքներն արդեն հայտնի են․ այս պահին առաջատարը ՔՊ-ն է։ Ի՞նչ իրավիճակ է ընտրատեղամասերում․ թարմացվող