Առաջարկվում է բանակից ազատել փրկարար ծառայությունում և ոստիկանությունում ծառայություն ընտրողներին․ նախագիծ

ՀՀ ներքին գործերի նախարարությունն առաջարկում է փոփոխություններ կատարել «Զինվորական ծառայության և զինծառայողի կարգավիճակի մասին» օրենքում։

Համապատասխան նախագիծը տեղադրված է e-draft իրավական ակտերի նախագծերի միասնական կայքում:

Նախագծով առաջարկվում է ՆԳՆ ուսումնական հաստատությունում պետական պատվերի շրջանակում միջին մասնագիտական կրթական ծրագիր սովորողներին տարկետում տրամադրել ուսումնառության ամբողջ ժամկետով։ Միաժամանակ այդ կրթական ծրագիրն ավարտած և ՆԳՆ-ում կամ ենթակա պետական մարմիններում Ոստիկանության կամ Փրկարար ծառայության պաշտոնի նշանակված անձանց առաջարկվում է ազատել պարտադիր զինվորական ծառայությունից, եթե նրանք օրենքով սահմանված անընդմեջ ծառայության ժամկետով ծառայեն այդ մարմիններում։

Տարկետման և ծառայության ժամկետը չի կարող տարածվել 35 տարին լրանալուց հետո։

Նախագծով նախատեսվում է ընդունելության առաջին փուլում 70 տեղ՝ տարկետման իրավունքով, հետագայում տեղերի թիվը կարող է ավելացվել Կառավարության որոշմամբ։ Հիմնավորման համաձայն՝ մեկ սովորողի համար մեկ տարի վեց ամիս տևողությամբ կրթության հաշվարկային ծախսը կազմում է 4 մլն 333 հազար 320 դրամ։

Այս թեմայով ԲԱՆԱԿ ՄԵԿՆԵՑԻՆ ԱԽՈՒՐՅԱՆՑԻ ՆՈՐԱԿՈՉԻԿՆԵՐԸ ԳՅՈՒՄՐԻՈՒՄ ԱՅՍՕՐ ՏՐՎԵՑ ԱՄԱՌԱՅԻՆ ԶՈՐԱԿՈՉԻ ՄԵԿՆԱՐԿԸ Բանակում քրեական ենթամշակույթի ներթափանցման դեմ լուրջ աշխատանք ենք տանում, բայց դեռ դեպքեր կան Լուրը, որ Իրանը 12 տարեկան երեխաների է զորակոչում բանակ, ֆեյկ է Սիրիական բանակը հայտարարել է Իրաքի տարածքից իր բազայի հրթիռակոծման մասին