Թուրքական զորքը դուրս է բերվում Իրաքի հյուսիսից

Թուրքիայի նախագահ Ռեջեփ Թայիփ Էրդողանը Նյու Յորքում հանդիպել է Իրաքի վարչապետ Ալի էզ-Զեյդիի հետ։ Հանդիպումից հետ Թուրքիայի նախագահականի հանրային կապերի վարչությունը հաղորդագրություն է տարածել, որտեղ նշվել է, որ կողմերի միջև համաձայնություն է ձեռք բերվել անվտանգային համագործակցությունը խորացնելու վերաբերյալ, փոխանցում է Ermenihaber.am-ը։

Կողմերը քննարկել են ռազմավարական հարաբերությունների բոլոր ասպեկտները և համաձայանություն է ձեռք բերվել Սինջարում Իրաքի պետական ​​իշխանության լիարժեք հաստատման և օտարերկրյա զինված ուժերի ներկայությանը վերջ տալու վերաբերյալ։

Համաձայնեցված մեխանիզմների ու ժամանակացույցի համաձայն, թուրքական ուժերը փուլ առ փուլ Բաշիքա-Զիլքան ռազմական հենակետը կհանձնեն Իրաքի դաշնային կառավարությանը։

Իրաքում թուրքական զինուժի ներկայությունը երկար ժամանակ Բաղդադի դժգոհության ու կողմերի միջև հարաբերությունները լարման պատճառ էր եղել։ Իսկ Թուրքիան Բաշիքայի ռազմակայանը ստեղծել էր 2015-ի դեկտեմբերին՝ Իրաքյան Քուրդիստանի տարածաշրջանային կառավարության համաձայնությամբ։

Նյու Յորքում կողմերը պայմանավորվածություն են ձեռք բերել նաև երկկողմ առևտրի և ներդրումների ծավալների ընդլայնման, ստորագրված համաձայնագրերի անհապաղ իրականացման և համատեղ ռազմավարական նախագծերի վերաբերյալ։

Այս թեմայով 11։11. Ի՞նչ է ուզում ճակատագիրը մեզ ասել, կրկնվող թվերի օրը Ֆրանսիայում զանգվածային բողոքի ցույցերի նոր ալիք է. Փարիզի փողոցներ է դուրս եկել 270,000 մարդ ԵԱՏՄ-ից չենք պատրաստվում դուրս գալ, բայց գործընկերները մեզ ասում են՝ կողմնորոշվեք․ Փաշինյան Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի Զելենսկին մերժել է Ռուսաստանի պահանջը՝ Ուկրաինայի զինված ուժերը դուրս բերել Դոնբասի