ՔԿ-ն «Զապին» ու «Օշականցի Գևորիկին» կալանավորելու միջնորդություն է ներկայացրել դատարան

Քննչական կոմիտեն օրենքով գողեր «Զապ»-ին՝ Անդրանիկ Սողոյանին, և «Օշականցի Գևորիկին»՝ Գևորգ Մելիքյանին, կալանավորելու միջնորդություն է ներկայացրել դատարան։

Քննչական կոմիտեից փոխանցեցին, որ քրեական վարույթի շրջանակում հանրային քրեական հետապնդում է հարուցվել 3 անձի նկատմամբ։ Նրանցից մեկին մեղադրանք է ներկայացվել Քրեական օրենսգրքի 322-րդ հոդվածի 1-ին մասով, երկրորդին՝ Քրեական օրենսգրքի 297-րդ հոդվածի 2-րդ մասի 1-ին կետով, իսկ երրորդին՝ Քրեական օրենսգրքի 297-րդ հոդվածի 2-րդ մասի 1-ին կետով։

Նրանցից երկուսի նկատմամբ կալանքը որպես խափանման միջոց կիրառելու վերաբերյալ միջնորդություն է ներկայացվել դատարան, իսկ երրորդ անձի նկատմամբ կայացվել է ձերբակալման որոշում։

Կալանավորման վերաբերյալ միջնորդությունն արդեն մուտքագրվել է դատարան։ Մինչ այս պահը դատարանը, սակայն, չի քննել քրեական աստիճանակարգության բարձրագույն կարգավիճակ ունեցող անձանց նկատմամբ խափանման միջոց կիրառելու հարցը։

Հատկանշական է, որ «Զապ»-ը և «Օշականցի Գևորիկը» ձերբակալվել են սեպտեմբերի 22-ին, և շուտով կլրանա 72-ժամը ձերբակալման, իսկ նրանց միջնորդությունը պետք է քննվի մինչ այդ, այլապես ազատ կարձակվեն։

Հիշեցնենք, որ «Զապ»-ն ու «Օշականցի Գևորիկը» ձերբակալվել էին առերևույթ հանցագործություններ կատարելու կասկածանքով։

Ըստ ՆԳՆ-ի՝ այսպես կոչված «օրենքով գող», Գյումրիում հաշվառված 58-ամյա տղամարդը, տեղեկանալով, որ նախկին փեսան վիճաբանել է դստեր հետ, սեպտեմբերի 21-ին դիմել է քրեական աստիճանակարգության բարձրագույն կարգավիճակ պահպանող մեկ այլ՝ այսպես կոչված «օրենքով գող»՝ Օշականի 56-ամյա բնակչին՝ նախկին փեսային պատժելու համար։

Նույն օրը՝ ժամը 02։40-ի սահմաններում, Օշականի 56-ամյա բնակիչը, քրեական ենթամշակույթ կրող խմբավորման անդամների համար պարտադիր կատարման ենթակա հրահանգի համաձայն, պարզաբանումներ կատարելու նպատակով մի խումբ անձանց հետ այցելել է Երևանի Հրաչյա Ներսիսյան փողոց, որտեղ վիճաբանել են «օրենքով գողի» նախկին փեսայի և նրա հետ գտնվող մի խումբ անձանց հետ։

Նրանք, ըստ ՆԳՆ-ի, հասարակության նկատմամբ ցուցաբերել են անհարգալից վերաբերմունք, տևական ժամանակ հայհոյանքներ են հնչեցրել միմյանց հասցեին և փոխադարձ հարվածներ հասցրել։

Նշված միջադեպից հետո «օրենքով գողի» նախկին փեսան, իր նախկին աներոջից հաշվեհարդար տեսնելու նպատակով, մի խումբ անձանց հետ գնացել է Երևանի հյուրանոցներից մեկը, սակայն, իր կամքից անկախ հանգամանքներում, հանցագործությունն ավարտին չի հասցրել։

Այս թեմայով Օրենքով գող «Զապ»-ը կալանավորվել է Օրենքով գողեր «Զապն» ու «Օշականցի Գևորիկը» ձերբակալվել են հաշվեհարդարի փորձի համար ՆԳՆ քրեական ոստիկանները «օրենքով գողերի» են ձերբակալել Ձերբակալվել են օրենքով գողեր «Օշականցի Գևորիկը» ու «Զապը»՝ Անդրանիկ Սողոյանը․ ArmLur Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ