3833 զոհ, 191 անհայտ կորած. 44-օրյա պատերազմից անցել է վեց տարի

Ուղիղ 6 տարի առաջ՝ 2020 թվականի սեպտեմբերի 27-ի առավոտյան՝ մոտավորապես ժամը 07:15-ին, շփման գծի ողջ երկայնքով սկսվեցին լայնածավալ ռազմական գործողություններ, որոնք վերածվեցին 1994 թվականից հետո հայ-ադրբեջանական հակամարտության ամենամեծ և ամենաերկարատև պատերազմի։

Ադրբեջանական զինված ուժերը, կիրառելով հրետանային և հրթիռահրետանային համակարգեր, զրահատեխնիկա, անօդաչու թռչող սարքեր և ռազմական ավիացիա, հարվածներ հասցրին Արցախի պաշտպանության բանակի դիրքերին ու ռազմական ենթակառուցվածքներին։ Ռազմական գործողությունները, սակայն, չսահմանափակվեցին առաջնագծով. հարվածների թիրախում հայտնվեցին նաև թիկունքային բնակավայրերը, այդ թվում՝ Ստեփանակերտը և շրջանային կենտրոնները։ Սեպտեմբերի 27-ի առավոտից Ստեփանակերտի բնակելի թաղամասերում կիրառվել են հրթիռային զինատեսակներ, այդ թվում՝ կասետային ենթազինամթերք պարունակող հրթիռներ։

Այսպիսով, 2020 թվականի սեպտեմբերի 27-ը դարձավ պատերազմի այն սահմանագիծը, որից հետո հակամարտությունը կարճատև սահմանային բախումից վերածվեց լայնածավալ պատերազմի՝ ընդգրկելով ինչպես առաջնագիծը, այնպես էլ հակամարտող կողմերի թիկունքային տարածքները։

Ըստ ՀՀ քննչական կոմիտեի՝ 2020 թվականի 44-օրյա պատերազմի հետևանքով զոհվել է 3833 անձ, որոնցից 3755-ը՝ զինծառայողներ, 78-ը քաղաքացիական անձինք:

Անհայտ է 191 անձի գտնվելու վայրը, որոնցից 172-ը՝ զինծառայող, 19-ը՝ քաղաքացիական անձ։

Այս թեմայով 6 տարի առաջ այս օրը ընկան հազարավոր ՏՂԱՆԵՐ Ռուսական ուժերը լայն ճակատով անցել են Դոբրոպոլե-Կրամատորսկ մայրուղին (Քարտեզ) ՀՐԱՏԱՊ. Վարդանի շուրջ 19-ամսյա կալանքը նշանակում է արդեն հարյուր հազարավոր դոլարների հանրային միջոցների ծախս Հայտնի է՝ ով կներկայացնի այս տարի Հայաստանը մանկական Եվրատեսիլում Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք