Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում

Ucom-ի գլխավոր տնօրեն Ռալֆ Յիրիկյանը մասնակցել է «Առաջնորդության գինը» խորագրով 13-րդ ամենամյա տարածաշրջանային HR համաժողովի «Թվային փոխակերպման դերը» պանելային քննարկմանը։ Ucom-ը միջոցառման տեխնոլոգիական գործընկերն էր։ Այն կազմակերպել էին Հայաստանի ՄՌ Ասոցիացիան և Cascade People & Business-ը

Պանելային քննարկման ընթացքում Ռալֆ Յիրիկյանն անդրադարձել է կազմակերպական փոփոխություններին, տեխնոլոգիաների ներդրման մարտահրավերներին և այդ գործընթացում մարդկանց ու առաջնորդների դերին։

«Թվային փոխակերպման իրական արժեքը միայն ներդրված տեխնոլոգիաներով չի չափվում։ Յուրաքանչյուր փոփոխության հիմքում մարդիկ են՝ նրանց պատրաստակամությունը սովորելու, փոխվելու և նոր ձևով աշխատելու։ Առաջնորդի պատասխանատվությունն է ոչ միայն ճիշտ տեխնոլոգիական որոշումներ կայացնել, այլև թիմին օգնել հասկանալ փոփոխության նպատակը և անցնել այդ ճանապարհը միասին», — նշել է Ucom-ի գլխավոր տնօրեն Ռալֆ Յիրիկյանը։ 

Ucom-ը՝ որպես համաժողովի տեխնոլոգիական գործընկեր, աջակցել է միջոցառման իրականացմանը՝ կարևորելով մասնագիտական հարթակները, որտեղ քննարկվում են տեխնոլոգիական զարգացման, կառավարման և մարդկային կապիտալի փոխկապակցված հարցերը։

«Մենք սովորաբար տեսնում և գնահատում ենք առաջնորդության տեսանելի արդյունքը, բայց հազվադեպ ենք խոսում այն գնի մասին, որը վճարվել է այդ արդյունքի համար։ Այս համաժողովը կենտրոնանում է «կադրից դուրս» մնացած կարևոր հանգամանքների՝ այն ջանքերի, աշխատանքի, կորուստների ու ձախողումների վրա, որոնք կանգնած են յուրաքանչյուր հաջողության հետևում», - ասել է, Հայաստանի ՄՌ Ասոցիացիայի Հայաստանի ՄՌ Ասոցիացիայի հիմնադիր և նախագահ Արփի Կարապետյանը։ 

13-րդ Ամենամյա տարածաշրջանային HR համաժողովը մեկ հարթակում համախմբել էր 7 երկրի ավելի քան 300 մասնագետների, բիզնես առաջնորդների և փորձագետների։ Մասնակիցները քննարկել են տաղանդների ներգրավումն ու զարգացումը, աշխատաշուկայի փոփոխությունները, կազմակերպությունների դիմակայունությունը, թվայնացման ազդեցությունը բիզնեսի վրա, ինչպես նաև դժվար որոշումների կայացումն ու դրանց հետևանքները։

Համաժողովն անցկացվել է Երևանի երկաթուղային կայարանում՝ որպես շարժման, ընտրության և նոր ուղղություն վերցնելու խորհրդանիշ։

Այս թեմայով Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Տիրադավների մասին ավելի ծանր փաստեր կան. ցավում եմ, որ այդքան ընկած եք, աղոթեք ու ապաշխարեք, որ Աստված ների ձեր մեղքերը. Տեր Զարեհ (Տեսանյութ) Կառավարությունը հրապարակել է «Հայաստանյայց Առաքելական Սուրբ Եկեղեցում առաջացած ճգնաժամի և լուծման ուղիների մասին» զեկույցը Բեռլինի օդանավակայանը հայտարարել է անօդաչու թռչող սարքի մասին տագնապ. Bild