«ՀԻՄՆԱԿԱՆ ՇԵՇՏԸ ԴՐՎԱԾ ԷՐ ԱՇԽԱՐՀԻ ԱՌԱՋՆՈՒԹՅԱՆԸ ՆԱԽԱՊԱՏՐԱՍՏՎԵԼՈՒՄ». ԱԶԱՏ ՈՃԻ ԱՆՎԱՆԻ ԸՄԲԻՇ, ՄԵԾԱՀ ԱՇԽԱՐՀԻ ԲՐՈՆԶԵ ՄԵԴԱԼԱԿԻՐ ՎԱԶԳԵՆ ԹԵՎԱՆՅԱՆ

Վերջերս Երևանի «Դինամո» մարզահամալիրում կայացել է ԽՍՀՄ չեմպիոն, Եվրոպայի չեմպիոն, Աշխարհի եռակի գավաթակիր, ՕԽ փոխչեմպիոն, Բարի կամքի խաղերի արծաթե մեդալակիր, ԽՍՀՄ սպորտի վարպետ, ՀՀ վաստակավոր մարզիչ «ՍՏԵՓԱՆ ՍԱՐԳՍՅԱՆԻ ԳԱՎԱԹ» ազատ ոճի ըմբշամարտի ավանդական դարձած միջազգային մրցաշարը։ Մեր ըմբիշները նվաճել են 9 մեդալ, որից 3 ոսկե, 6 բրոնզե։ Մրցաշարը անցկացվել է 26-րդ անգամ, որին մասնակցել են 15 երկրի շուրջ 200 ըմբիշներ։ Մասնակցել են նաև մի շարք անվանի մարզիկներ, այդ թվում Աշխարհի չեմպիոն Զահիդ Վալենսիան, Աշխարհի ու Եվրոպայի չեմպիոն Աբասգաջի Մագոմեդովը, Եվրոպայի չեմպիոն Իբրահիմ Իբրահիմովը և բազմաթիվ այլ անվանի ըմբիշներ։ Iravunk. com -ի մարզական լրագրողը զրուցել է ոսկե մեդալակիր, անվանի ըմբիշ, ազատ ոճի ըմբշամարտի հավաքականի անդամ,մեծահասակների Եվրոպայի չեմպիոն, Աշխարհի բրոնզե մեդալակիր ՎԱԶԳԵՆ ԹԵՎԱՆՅԱՆԻ հետ։ - Նա այսպես մեկնաբանեց.-70 կգ քաշային կարգում եմ հանդես եկել։ Ասեմ, որ Ստեփան Սարգսյանի անվան մրցաշարը միշտ էլ շատ բարձր մակարդակով է կազմակերպվել, և մասնակցել են ուժեղ, փորձառու մրցակիցներ։ Ու այս տարին էլ բացառություն չեղավ, ըմբիշներ ունեինք 15 երկրից։ Լավ գոտեմարտերի ու թեժ պայքարի ականատես եղանք։ Ես անցկացրել եմ երեք գոտեմարտ, ափսոս, եզրափակիչը տեղի չունեցավ, որովհետև հակառակորդս վնասվածք էր ստացել ու հրաժարվեց պայքարից։ Ընդհանուր առմամբ, գոհ եմ կատարած աշխատանքից, քանի որ այս ավանդական դարձած մրցաշարից իմ ուզածը ստացա։ Հիմնական շեշտը դրված էր Աշխարհի առաջնությանը նախապատրաստվելու վրա, և այս գոտեմարտերն էին շատ անհրաժեշտ։ Ամենակարևորը, մրցաշարն առանց վնասվածքի անցավ, ու հաջող պայքար ծավալեցի։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Մերոնք աշխարհի ուժեղագույնների թվում են. Հարությունյան Որոշ ֆուտբոլիստներից հիասթափվելու հարցում լիովին համամիտ եմ Մելիքյանի հետ. Յուրա Մովսիսյան Բռնցքամարտի Եվրոպայի մեծահասակների առաջնությունից երկու բրոնզե մեդալ Հերթական կորուստն ազգային հավաքականում Շախմատի համաշխարհային օլիմպիադա. Հայաստանի հավաքականը 6 խաղափուլից հետո 3-րդ տեղում է