Հայտնի են Արտյոմ Բանդիկյանի բուժզննման արդյունքները

Ազգերի լիգայի խմբային փուլի 3-րդ տուրի՝ Հայաստան — Կիպրոս (0:2) հանդիպման ժամանակ Արտյոմ Բանդիկյանը վնասվածք էր ստացել և պատգարակով լքել խաղադաշտը։ Նրա ակումբի` Մոսկվայի ԲԿՄԱ-ի հաղորդակցության գծով տնօրեն Կիրիլ Բրեյդոն հայտնել է, որ նախնական` կոտրվածք ունենալու վարկածը հերքվել է.

«Նախնական տվյալներով՝ արված համակարգչային շերտագրությունը (ԿՏ) Արտյոմ Բանդիկյանի մոտ չի հայտնաբերել ո՛չ կոտրվածք, ո՛չ էլ կապանների խզում: Առաջիկայում Արտյոմը կմիանա թիմին Մոսկվայում, որտեղ արդեն մեր բժշկական շտաբի հսկողության ներքո կանցնի լրացուցիչ բուժզննում»,- իր տելեգրամյան ալիքում գրել է Բրեյդոն:

Հիշեցնենք, որ Հայաստանի ընտրանին Ազգերի լիգայի շրջանակում իր հաջորդ հանդիպումը կանցկացնի Պոդգորիցայում՝ հոկտեմբերի 5-ին մրցելով Չեռնոգորիայի հավաքականի հետ։ 

Այս թեմայով Ինչու էր դերասան Արտյոմ Կարապետյանը դողում բեմ բարձրանալուց առաջ Արտյոմ Խուգոյանը՝ Աշխարհի եւ Եվրոպայի նոր մրցաշարերի շեմին Ոչ մի բանից բացարձակապես վախենալու չունեմ. Արտյոմ Խուգոյան Ավինյանի մամուլի քարտուղարն ազատվել է աշխատանքից Արտյոմ, դու ինչո՞ւ «Լրաբեր» չես վարում