Խորհրդարանի մանդատն ավարտվում է այնտեղ, որտեղ սկսվում է Եկեղեցու սահմանադրորեն պաշտպանված ինքնավարությունը

ԱԺ «Քաղաքացիական պայմանագիրը» խմբակցությունը քննարկել և 62 կողմ ձայնով հաստատել է Հայ Առաքելական եկեղեցու շուրջ ստեղծված իրավիճակն ուսումնասիրելու համար ստեղծված ԱԺ քննիչ հանձնաժողովի կազմը։

Ավեի վաղ Ազգային ժողովի երկու ընդդիմադիր ուժերը հայտարարել էին, որ չեն մասնակցի քննիչ հանձնաժողովի կազմի հաստատման քննարկմանը և քվեարկությանը:

Հիշեցնենք, հոկտեմբերի 2-ին ՀՀ ԱԺ նախագահը հայտարարել էր արել Հայաստանյայց առաքելական սուրբ եկեղեցու խնդիրների ուսումնասիրման նպատակով քննիչ հանձնաժողով ստեղծելու մասին։

Որքանո՞վ ԱԺ-ն լիազորված քննելու եկեղեցու հարցերը՝ ավելին ստեղծելու քննիչ հանձնաժողով այդ հարցով «Իրավունքը» մեկնաբանություն է խնդրել հայտնի իրավապաշտպան ԼԵՎՈՆ ԲԱՂԴԱՍԱՐՅԱՆԻՑ. 

- Ազգային ժողովը կարող է օրենք ընդունել պետություն–Եկեղեցի հարաբերությունների վերաբերյալ, բայց կաշկանդված է  խորհրդարանական քվեարկությամբ տնօրինել Եկեղեցու ներքին կյանքը։
Հիմնական օրենքի 6-րդ հոդվածի ուժով պետական իշխանությանը սահմանափակում է իրեն վերապահված լիազորություններով, իսկ 17-րդ հոդվածը երաշխավորում է կրոնական կազմակերպությունների ազատությունն ու պետությունից անջատ լինելը։ 108-րդ հոդվածով քննիչ հանձնաժողովը կարող է ստեղծվել միայն ԱԺ իրավասության մեջ մտնող և հանրային հետաքրքրություն ներկայացնող հարցով։ Հանրային աղմուկը սահմանադրական լիազորություն չի ստեղծում։ 
Հետևաբար, պետական միջոցների օգտագործումը կամ պետական մարմինների գործողությունները կարող են դառնալ խորհրդարանական քննության առարկա։ Կաթողիկոսի ընտրությունը, եկեղեցական մարմինների կազմավորումն ու կանոնական որոշումները խորհրդարանի տնօրինությանը չեն պատկանում։
Այս սահմանը պաշտպանում է նաև Եվրոպական կոնվենցիայի 9-րդ հոդվածը՝ 11-րդ հոդվածի լույսի ներքո։ ՄԻԵԴ-ը  վերոգրյալի հետ կապված ունի նախադեպային դատական ակտեր։
Հարկավոր է իմանալ.
Խորհրդարանի մանդատն ավարտվում է այնտեղ, որտեղ սկսվում է Եկեղեցու սահմանադրորեն պաշտպանված ինքնավարությունը։ Այդ սահմանը քննիչ հանձնաժողովով շրջանցելն իրավասության գերազանցում է։ Սահմանադրությունը պարտադիր է նաև նրանց համար, ովքեր օրենք են ընդունում։

Այս թեմայով Ընդդիմադիր խմբակցությունները չեն ընդգրկվի ԱԺ-ում եկեղեցու վերաբերյալ «քննիչ» հանձնաժողովում Սանամյան, ուրախ եմ քեզ համար. Սուջյանը շնորհակալություն է հայտնել Նիկոլ Փաշինյանին Նոյեմբերի 1-ից անձը հաստատող փաստաթղթերի տրամադրման համակարգը կգործի նոր ձևաչափով․ ՆԳՆ ժամեր առաջ տեղեկատվական տեխնոլոգիաների ոլորտի մասնագետի է ինձ հետ կապ հաստատել, եւ փաստել, որ Ա.Հ-ն ուղարկել արհեստական բանականությամբ գեներացված իմ լուսանկարները, ինչպես նաև իմ հեռախոսահամարը ներառող կեղծ տեխնիկական տվյալներ է իրեն տրամադրել Ինչ պահանջով են առաջիկայում ակցիա իրականացնելու արցախահայերը. Փաստաբանը փակագծեր է բացում