Ոսկե մեդալ՝ ԱՊՀ երկրների Դելֆյան խաղերից

Հոկտեմբերի 5-ից 9-ը Տաջիկստանի Հանրապետության մայրաքաղաք Դուշանբեում տեղի է ունեցել Անկախ Պետությունների Համագործակցության (ԱՊՀ) անդամ պետությունների 20-րդ երիտասարդական Դելֆյան խաղերը, որին մասնակցել են շուրջ 500 ներկայացուցիչ ԱՊՀ երկրներից:

2026 թվականի Դուշանբեի հոբելյանական 20-Դելֆյան խաղերի մրցույթներն անցկացվել են 10 անվանակարգերում, որոնց մասնակցել են ԱՊՀ 10 երկրների 10-25 տարեկան ներկայացուցիչներ՝ Հայաստանից, Ադրբեջանից, Բելառուսից, Ղազախստանից, Ղրղզստանից, Մոլդովայից, Ռուսաստանից, Տաջիկստանից, Ուզբեկստանից և Թուրքմենստանից:

Միջազգային այս հեղինակավոր ստուգատեսում «Էստրադային երգեցողություն» անվանակարգում փայլուն հաղթանակ է գրանցել Հայաստանի ներկայացուցիչ, Երևանի Շառլ Ազնավուրի անվան մշակույթի և արվեստի պետական քոլեջի շրջանավարտ Անժելա Ալբերտյանը՝ արժանանալով մրցույթի ոսկե մեդալի։

Անժելա Ալբերտյանը բազմաթիվ միջազգային մրցույթների հաղթող է։ Նա այս տարի ավարտել է Երևանի Շառլ Ազնավուրի անվան մշակույթի և արվեստի պետական քոլեջը և այժմ սովորում է Երևանի Կոմիտասի անվան կոնսերվատորիայի «Ջազ-Էստրադա»  մասնագիտության 1-ին կուրսում։

Հավելենք նաւ, որ մրցույթի ժյուրիի կազմում ընդգրկված էր Երևանի Շառլ Ազնավուրի անվան մշակույթի և արվեստի պետական քոլեջի տնօրեն Վրեժ Կիրակոսյանը։ Հայաստանյան պատվիրակության մասնակցությունը ԱՊՀ 20-րդ հոբելյանական Դելֆյան խաղերին իրականացվել է ՀՀ կրթության, գիտության, մշակույթի և սպորտի նախարարության բարձր հովանու ներքո և աջակցությամբ։ 

Այս թեմայով Իրանը ցանկանում է միանալ ԱՊՀ-ին 2027 թվականին ԱՊՀ-ում նախագահությունը կանցնի Ուզբեկստանին Առաջին անգամ ՆԱՏՕ-ի բոլոր 32 երկրների ռազմական ներկայացուցիչներ ժամանեցին Կիև ՌԴ ՆԳՆ-ն առաջարկում է փոխել ԱՊՀ երկրներից վարորդների՝ ՌԴ-ում գտնվելու ժամկետը Մակրոնը հերքեց լուրերը, որ Ռուսաստանը հարձակվելու է որոշ եվրոպական երկրների վրա