«Ժողովուրդ». ՔՊ-ն փորձում է փրկել վարկանիշը

«Ժողովուրդ» օրաթերթը գրում է. ««Ժողովուրդ» օրաթերթի իշխանական աղբյուրների փոխանցմամբ՝ «Քաղաքացիական պայմանագիր» կուսակցությունում քննարկել են անդամագրման նոր չափանիշներ սահմանվելու հարցը։ Մեր տեղեկություններով՝ Նիկոլ Փաշինյանը հանձնարարել է կուսակցականներին առավել խիստ մոտեցում ցուցաբերել նոր անդամների ընտրության հարցում՝ կուսակցության շարքերը համալրելով բարձրագույն կրթություն ունեցող, հանրային պատմություններում, սկանդալներում չներգրավված և ՔՊ-ի հեղինակությանը չվնասող անձանցով։

«Ժողովուրդ» օրաթերթի իշխանական աղբյուրների փոխանցմամբ՝ կուսակցությունում այս որոշումը կայացվել է վերջերս, և դրա շրջանակում վերջին օրերին ՔՊ վարչություն են հրավիրվել մի շարք կուսակցականներ, այդ թվում՝ Ավետիք Օրդյանն ու Տիգրան Մանուկյանը։

Նշենք, որ Ավետիք Օրդյանը հեռացվել է կուսակցությունից՝ կարգապահական խնդիրների և ՔՊ-ի անունն օգտագործելով տարբեր հարցեր լուծելու պատճառով։ Նույն ժամանակահատվածում կարգապահական նկատողություն է ստացել նաև ՔՊ ակտիվիստներից Տիգրան Մանուկյանը, որը սոցիալական ցանցերի իր էջում պարբերաբար քննադատում է Երևանի քաղաքապետ Տիգրան Ավինյանի վարած քաղաքականությունը։

Իշխանական մեր աղբյուրները փոխանցում են, որ առաջիկայում նման կարգապահական վարույթները կարող են շարունակվել։ Քննարկման առարկա են դառնալու ոչ միայն կուսակցության անունն օգտագործելու դեպքերը, այլև անդամների հրապարակային վարքագիծը, կուսակցության քաղաքականության քննադատությունն ու ներքին էթիկայի կանոնների պահպանումը։

Մեր աղբյուրների փոխանցմամբ՝ Նիկոլ Փաշինյանը հանձնարարել է խիստ վերահսկողություն սահմանել նաև այն անձանց նկատմամբ, որոնք իրենց՝ ՔՊ անդամ լինելու հանգամանքն օգտագործում են տարբեր հարցեր լուծելու կամ աշխատանքի տեղավորվելու համար։ Կարճ ասած՝ ՔՊ-ն փորձում է փրկել իր վարկանիշը»։

Առավել մանրամասն թերթի այսօրվա համարում

Այս թեմայով Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի Իսլամիստները փորձում էին պետական ​​հեղաշրջում իրականացնել Ղազախստանում Ինչպես է Տուսկը փորձում է գողանալ Լեհաստանի իշխանությունը Տարեկան մոտ 650 կին մահանում է հենց աս հիվանդությունից, բայց դո՛ւ կարող ես փրկել ՔՈ կյանքը Առանց Իրանի սկզբունքային դիրքորոշումը հաշվի առնելու՝ TRIP-ը կարող է վերածվել աշխարհաքաղաքական առճակատման լրացուցիչ աղբյուրի