Ատոմային էներգետիկան Հայաստանի համար ռազմավարական նշանակություն ունի. Էդուարդ Մարտիրոսյան

Ատոմային էներգետիկան Հայաստանի համար ռազմավարական նշանակություն ունի։ Մեծամորի ատոմակայանի գլխավոր տնօրենը՝ Էդուարդ Մարտիրոսյանը ելույթ է ունեցել Մոսկվայում կայացած «Ռուսական էներգետիկ շաբաթ» 9-րդ համաժողովում։

«Հայկական ԱԷԿ-ն ապահովում է էլեկտրաէներգիայի զգալի մասը՝ ապահովելով երկրի էլեկտրաէներգիայի 30-40 տոկոսը: ԱԷԿ-ի անվտանգությունը միայն տեխնիկական պահանջների պահպանման խնդիր չէ, այն երկարաժամկետ պատասխանատվություն է պետության, հասարակության և ապագա սերունդների առջև:

Վերջին տարիներին կայանում իրականացվել են վերակառուցման և արդիականացման լայնածավալ աշխատանքներ։ Վերջին 6-8 տարիների ընթացքում շահագործման ժամկետի երկարաձգման համար հատկացվել է մոտ 500 մլն դոլար։ Այս աշխատանքը հաջողությամբ ավարտվել է գործընկերների, այդ թվում՝ «Ռոսատոմի» օգնությամբ։

Հայաստանի համար սկզբունքորեն կարևոր է շարունակել այդ աշխատանքը, զարգացնել կայանը և անձնակազմին, ինչպես նաև բաց մասնագիտական համագործակցություն պահպանել միջազգային միջուկային հանրության և տարածաշրջանի գործընկերների հետ: Երևանը էներգետիկ համագործակցություն է զարգացնում հարևան Իրանի, Վրաստանի, իսկ հեռանկարում՝ նաև Ադրբեջանի հետ»,- նշել է նա։

Այս թեմայով Հայկական ԱԷԿ-ի շահագործման ժամկետը նախատեսվում է երկարաձգել մինչև 2041 թվականը․ Էդուարդ Մարտիրոսյան Մեծամորի ատոմակայանի մասին կեղծ պնդումները փորձ են՝ վնասելու հայ-ռուսական հարաբերությունները․ ՌԴ ԱԳՆ Ատոմակայանն ունի շահագործման ժամկետ, և այդ ժամկետը 2036 թվականն է. Արման Եղոյան Կարեւոր ազդակ. Ռուս մասնագետները վերադառնում են Բուշերի ատոմակայան Փաշինյան. Երևանը Մոսկվայի հետ քննարկում է նոր ատոմակայանի կառուցման հարցը