Արամ Հարութունյանի մոտ աշնանային սրացումնե՞ր են

«Ազգային համաձայնություն» կուսակցության նախագահ ԱՐԱՄ ՀԱՐՈՒԹՅՈՒՆՅԱՆԻ մոտ, կարծես թե, աշնանային սրացումներ են: Բացի այդ, նրա մոտ շեշտակիորեն նկատվում է անձի նկատմամբ անվստահությունը, ինքնահաստատման ձգտումն ու վերջին շրջանում անտեսված լինելու փաստը։

«Իրավունք»-ի հնչեցրած պարզ եւ կարեւոր հարցին, Հարությունյանն անդադար խնդրում ու կրկնում էր իր տասնյակ տարիներ առաջվա եւ վերջին շրջանի նյութերը կրկին վերընթերցել: Տպավորություն էր, որ մարդը մնացել է լուսանցքից դուրս ու լավ է մի լրագրող զանգել էր, հիմա պետք էր նրան համոզել, թեկուզ գոռալով, որ վերջինս կարդա յուր մտքի «գոհարները»։ Ու բոլորովին կապ չուներ, թե հարցն ինչի մասին էր:

Մտահոգիչ է, ինչ խոսք, հետեւապես, դիմում ենք պարոն Հարությունյանի մերձավորներին, ընտանիքի անդամներին եւ հեռավոր բարեկամներին. խնդրում ենք, ավելի ուշադիր եղեք ձեր հարազատի առողջության հանդեպ։ Աշնան այս անձրեւոտ եւ քամոտ օրերին նրան պետք չէ մենակ թողնել, հատկապես հեռախոսի հետ։

Ի վերջո, եթե կուսակցության անունը «Ազգային համաձայնություն» է, ապա առաջին հերթին պետք է հասնել ներքին՝ հոգեկան եւ մարմնական համաձայնության։ Իսկ քանի դեռ այդ համաձայնությունը չկա, հարազատների խնամքն ու ժամանակին տրված հանգստացնող թեյերը լավագույն լուծումն են, թե՛ պարոն Հարությունյանի, թե՛ նրան զանգահարող լրագրողների ու քաղաքացիների անվտանգության համար:

Եթե մեկ հեռախոսազանգը կարող է քաղաքական գործչին հանել հավասարակշռությունից, դարձնելով ծայրահեղ ճվճվան կերպար, ապա հարց է առաջանում՝ ինչպե՞ս նա կարող է բանակցել, օրինակ, միջազգային հարթակներում։ Թե՞ այնտեղ էլ է պահանջելու նախքան հարցեր տալն իրեն՝ «տեղը բերեն»: Այսինքն, Հարությունյանի քաղաքական կշիռը եւ հեռախոսային շփման կուլտուրան այսքա՞նն էին:

ՆԱՆԱ ՍԱՐԳՍՅԱՆ

Այս թեմայով Ինչո՞ւ է ընդհատվել «Գայանե» բալետի ներկայացումը․ հանդիսատեսը վրդովված է Չէի պատկերացնում, որ 2021-ին ձեւավորված պառլամենտից է՛լ ավելի վատ պառլամենտ հնարավոր է. Շահեն Հարությունյան Իշխանափոխությունը բավարար չէ. հիմա խնդիրն ընդդիմության դաշտում է․ Խոսրով Հարությունյան Եթե իրենց հայտնի է՝ ովքեր են «լավ» ընդդիմադիր, թող նրանց հետ էլ համախմբվեն․ Սարգսյան «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ