Հայաստանի ԵԱՏՄ-ից դուրս գալու դեպքում գազի ներկրման արժեքը կաճի

Հայաստանի կողմից Եվրասիական տնտեսական միությունից (ԵԱՏՄ) դուրս գալու դեպքում գազի ներկրման արժեքը կաճի 69%-ով՝ հասնելով տարեկան 657,5 միլիոն դոլարի, հետևում է Ռուսաստանից, Բելառուսից, Ղազախստանից և Ղրղզստանից Եվրասիական միջկառավարական խորհրդի անդամների կողմից պատրաստված համապատասխան զեկույցից։

«Հայաստանի Հանրապետության կողմից գազի ներկրումը արժեքային արտահայտությամբ կաճի 268,5 միլիոն դոլարով կամ 69%-ով՝ 389-ից հասնելով 657,5 միլիոն դոլարի»,- ասվում է զեկույցում։

Պարզաբանվում է, որ ԵԱՏՄ անդամ պետություններից հանրապետության կողմից գազի ներկրման սցենարային գնահատումը ելնում է հազար խորանարդ մետրի դիմաց 300 դոլար գնից՝ մատակարարումների ֆիզիկական ծավալի պահպանման դեպքում։

«Հազար խորանարդ մետրի դիմաց 177,5 դոլար գործող բազային գնի համեմատ գնի աճը կկազմի շուրջ 69%»,- ավելացվում է զեկույցում։

Այս թեմայով Գազի գինը ՀՀ-ի համար էժան չէ, շատ բան ենք տալիս ԵԱՏՄ-ին, շատ բան էլ պիտի ստանանք. Պապոյան Էդ անտեր ԵԱՏՄ-ն վնա՞ս էր, թե օգուտ, եթե վնաս էր, ութ տարի իշխանության եք, ինչի՞ դուրս չեք գալիս ԵԱՏՄ-ից չենք պատրաստվում դուրս գալ, բայց գործընկերները մեզ ասում են՝ կողմնորոշվեք․ Փաշինյան Դուք եք ասել՝ Պուտինի հետ խոսում եք, ՌԴ-ի հետ ամենալավը դուք եք, էդ խնդիրներից ո՞նց եք դուրս գալու ԵԱՏՄ մյուս երկրները կսպասեն իրենց հերթին, եթե մեր նկատմամբ ՌԴ սահմանափակումների մասով խնդիր չտեսնեն