Էդքան փողով, որն երևում է կադրում, երևի Ստեփանավանում էդպիսի շտաբի շենք կառնես, ոչ թե շտաբի համար ինչ-որ բաներ

ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը «Ֆեյսբուք»-ի իր էջում անդրադարձել է Հակակոռուպցիոն կոմիտեի հրապարակած տեսագրությանն ու տեղեկատվությանն այն մասին, որ «Ուժեղ Հայաստան»-ի՝ Ստեփանավան համայնքի ղեկավարի թեկնածուն և աջակիցներն ընտրակաշառք են բաժանել:

«Բա նայեք ինչ ուժեղ «կռուտիտ» են մտածել։ Էն տասնքանի հոգուն որ կալոդով փող էր տալիս․
1. Աշխատավարձ էր։
2. Շտաբային ծախս էր։
3. Հո իրա ավագանուն փող չէր տալիս, որ իրանք իրանց ընտրեին։

Աշխատավարձի ու շտաբային ծախսերի մասին հատվածն աբսուրդ է առհասարակ։ Էդ բոլոր ծախսերն արվում են ԲԱՑԱՌԱՊԵՍ հիմնադրամով ու անկանխիկ։ Ուզես էլ չես կարող կանխիկ որևէ բան անել։ Հիմնադրամում հաշիվ ես բացում ու աշխատավարձերն ու շտաբի ծախսերն անում ես էնտեղից։ Հիմա եթե խոսքն ասենք շտաբի համար ինչ-որ մանրուքներ գնելու մասին լիներ՝ չգիտեմ, բաժակ, ափսե, գրիչ, տետր, էդ ամենը գնելու համար տաս հոգու առանձին չեն կանչում փող տալիս ու ինքն էլ ամեն մեկին ՄԻ ԿԱԼՈԴ փող։

Էդքան փողով, որն երևում է կադրերում երևի էդ Ստեփանավանում մի էդպիսի շտաբի շենք կառնես, ոչ թե շտաբի համար ինչ-որ մանր-մունր բաներ։

Սեփական ավագանիների դրվագը հատկապես ուժեղ էր։ Էդ մարդիկ գալիս են, ցուցակ են ներկայացնում, ցուցակի թիվն իմանալուց հետո առերևույթ հեռախոսի հաշվիչով մի բան է հաշվում ու փող տալիս։ Ես չգիտեմ, թե ինչ աստիճանի դեգրադացված պիտի լինի, որ չհասկանա թե ցուցակ բերած ավագանու անդամին ինչի համար են կալոդով փող տալիս։ Հաստատ ոչ ցուցակի մարդկանց բաժանելու։ Միանշանակ։

ԱՆտարակույս։ Մտքներովդ նման բան չանկացնեք։ Ու ի դեպ բոլորը չէ, որ ավագանու անդամներ էին։ Կային մարդիկ որ էլի ցուցակ էին բերել (հաստատ ոչ ցուցակի մարդկանց համար ընտրակաշառք ուզելու) ու ցուցակում ներառել էին նաև ավագանու թեկնածուների անուններ, մեր ընկերն էլ ցուցակից ավագանու անունները ջնջում էր, հաստատ ոչ են պատճառով, որ այ մարդ հո իր ցուցակի ավագանուն էլ չէ՞ր կաշառք տալու։

Էսպիսի ուժեղ բաներ», գրել է նա։

Այս թեմայով ՎՏԲ-Հայաստան Բանկն աջակցել է Newmag-ի BOOK DONATION նախաձեռնությանը Հրազդանում «Ուժեղ Հայաստան» կուսակցության՝ Ստեփանավանի համայնքապետի թեկնածու Արսեն Գևորգյանին կալանավորեցին Ուշակով. Պուտինի, Թրամփի և Սի Ցզինպինի հանդիպումը կարող է պատմական իրադարձության դառնալ Վթարային ջրանջատում՝ Երևանում, Կոտայքի և Արագածոտնի մարզերում Ադրբեջանական կողմը մանրամասներ է հայտնել ՀՀ տարածք անցած ադրբեջանցի հովվի մասին