ԱՄՆ-ն և Ռուսաստանը քննարկել են Ալյասկայում գազային տերմինալի կառուցման հարցը

ԱՄՆ-ն և Ռուսաստանը քննարկել են Ալյասկայում գազային տերմինալի կառուցման հարցը՝ Arctic LNG 2-ի նկատմամբ պատժամիջոցների վերացման դիմաց, հայտնում է Financial Times-ը:

Հրապարակման համաձայն՝ հնարավոր տնտեսական համաձայնագրերի շուրջ բանակցությունների ընթացքում Վաշինգտոնն ու Մոսկվան քննարկել են ռուսական Novatek-ի մասնակցությունը Ալյասկայում LNG տերմինալի կառուցմանը։
Polar Train LNG-ի նախկին գործադիր տնօրեն Ջոել Ռիդլը պնդում է, որ Novatek-ը ֆինանսավորել է նախագիծը և որոշել դրա ռազմավարությունը նույնիսկ ԱՄՆ իշխանություններից անհրաժեշտ թույլտվությունները ստանալուց առաջ։
Պատժամիջոցների խախտումներից վախենալով՝ Ռիդլը սեպտեմբերին լքել է ընկերությունը։ Նրան հետևել է գրեթե ամբողջ կառավարման թիմը, այդ թվում՝ ֆինանսական տնօրենը։
FT-ն ուսումնասիրել է նամակագրությունը, որում Novatek-ի բարձրաստիճան մենեջերը քննարկել է նախագծի ֆինանսավորումը և դրամական փոխանցումների արագացումը։ Նախագիծը մշակվել է ներդրող Ջենթրի Բիչի մասնակցությամբ, որը կապված է Թրամփի ընտանիքի հետ։ Ռիդլի հեռանալուց հետո գործադիր տնօրենի պաշտոնակատար է դարձել Թիմ Թոլքինգթոնը, որը նախկինում ղեկավարում էր Goldman Sachs-ի ռուսական ստորաբաժանումը։

Այս թեմայով ԵՄ-ն ձգտում է մասնակցել ուկրաինական բանակցություններին՝ ԱՄՆ-ի վրա ազդելու համար ԱՄՆ-ն Մերձավոր Արևելքի հինգ երկրներից տարհանում է դիվանագետներին Reuters. ՌԴ-ի, ԱՄՆ-ի և Ուկրաինայի միջև բանակցությունների նոր փուլ կարող է տեղի ունենալ առաջիկա երկու շաբաթում ԱՄՆ Կոնգրեսում Ուկրաինայի առաջատար կողմնակիցը բացահայտվել է որպես պեդոֆիլ ԱՄՆ-ի և Չինաստանի տնտեսական պատերազմը նոր փուլ է մտնում