Գերմանիայում միգրանտների արտաքսման քաղաքականության խստացման դեմ բողոքի ցույցեր են անցկացվում

Մյունխենի օդանավակայանի մոտ ավելի քան 700 մարդ բողոքի ակցիայի է դուրս եկել ընդդեմ միգրանտների արտաքսման համար նախատեսված հատուկ տերմինալի կառուցման։ Այս մասին տեղեկացնում է Welt թերթը։

Նշվում է, որ խոսքը այն միգրանտների մասին է, որոնց ապաստան տրամադրելու դիմումը մերժվել է։ Ցույցը տեղի է ունեցել շաբաթ Օբերդինգ կոմունայում՝ Գերմանիայի արտաքսման քաղաքականության խստացման դեմ համազգային արշավի շրջանակում:

Ինչպես հաղորդվում է՝ Մյունխենի օդանավակայանում նախատեսում են կառուցել առանձին տերմինալ, որը պետք է արագացնի և պարզեցնի մարդկանց երկրից արտաքսելու գործընթացը։ «Թույլ չտալ արտաքսումների տերմինալ Մյունխենում» արշավի կազմակերպիչներն օդանավակայանը կառավարող Flughafen München GmbH ընկերությանը մեղադրում են արտաքսումների ընդլայնման համար ենթակառուցվածք ստեղծելու և դրանից տնտեսական շահ ստանալու մեջ։

Արշավի ներկայացուցիչներից մեկը, մասնավորապես, նշել է. «Արտաքսումների տերմինալի միջոցով ընկերությունը տրամադրում է զանգվածային արտաքսումների համար լոգիստիկ ենթակառուցվածք»։

Նա նաև հավելել է, որ նախագծի վերածումը սովորական ենթակառուցվածքային նախաձեռնության վկայում է աջ քաղաքական ուժերի պահանջների նորմալացման մասին։

Ըստ կազմակերպիչների՝ Գերմանիան լքելու պարտավորություն ունեցող մարդկանց թիվը նվազեցնելու համար անհրաժեշտ է ստեղծել նրանց բնակության օրինականացման իրական մեխանիզմներ, այլ ոչ թե ընդլայնել արտաքսումների համար նախատեսված ենթակառուցվածքը։

Նշենք, որ ակցիան անցկացվել է «Ամբողջ Գերմանիայով՝ ընդդեմ արտաքսման խելահեղության» կարգախոսի ներքո։ Մասնակիցները հանդես են գալիս ապաստանի մերժում ստացած միգրանտների արտաքսման, մարդկանց արտաքսումից առաջ կալանքի տակ պահելու և այդ նպատակների համար նոր օբյեկտների կառուցման դեմ։

Այս թեմայով Գրեթե ողջ Եվրոպայոով մեկ տարածված բողոքի ցույցերը սկսում են ներքին բախումների նմանվել Թել Ավիվում տեղի ունեցան մասշտաբային բողոքի ցույցեր Նեթանյահուի դեմ Այսօր 21 համայնքում ՏԻՄ ընտրություններ են անցկացվում Ֆրանսիայում շարունակվել են զանգվածային բողոքի ցույցերը, արդեն գների բարձրացման դեմ «Հրապարակ». 44-օրյա պատերազմում զոհված զինծառայողների ծնողներ հանցագործության մասին հաղորդում ներկայացրել Փաշինյանի դեմ