Սահմանադրության փոփոխությունը բխում է հենց Հայաստանի իշխանությունների շահերից․ Բայրամով

Ադրբեջանի ԱԳ նախարար Ջեյհուն Բայրամովը հայտարարել է, որ Բաքուն պատրաստ է ավարտին հասցնել Հայաստանի հետ խաղաղության պայմանագրի կնքման գործընթացը՝ միաժամանակ նշելով, որ Երևանը տարբեր ժամկետներ է ներկայացնում դրա ստորագրման համար։

Նա այս մասին ասել է Նիդերլանդների ԱԳ նախարար Թոմ Բերենդսենի հետ համատեղ ճեպազրույցի ժամանակ։

Բայրամովի խոսքով՝ ադրբեջանական կողմը ուշադիր հետևում է խաղաղության գործընթացի վերաբերյալ հայ պաշտոնյաների հայտարարություններին։

Նա պնդել է, որ վերջին մեկ տարվա ընթացքում Ադրբեջանը մի շարք միակողմանի քայլեր է ձեռնարկել, ինչը, նրա խոսքով, տեսանելի է եղել նաև Հայաստանին։

Անդրադառնալով Հայաստանում տեղի ունեցող գործընթացներին՝ Բայրամովը նշել է, որ Սահմանադրության փոփոխությունը բխում է հենց Հայաստանի իշխանությունների շահերից։

«Ադրբեջանը միշտ պատրաստ է վերջնական կետ դնել խաղաղության պայմանագրի հարցում և հավատարիմ է մնում այս գործընթացին»,- եզրափակել է Ադրբեջանի ԱԳ նախարարը։

Այս թեմայով «Հնարավո՞ր է, որ Բայրամովը գա ՀՀ», «Էդ օրն էլ կգա, բայց պայմանավորվածություն չկա»․ Արարատ Միրզոյան Հայաստանը ներքին խնդիրներ ունի, մենք հետևում ենք գործընթացին․ Բայրամով Ադրբեջանի և Հայաստանի միջև դե ֆակտո խաղաղություն է հաստատվել. Բայրամով Թեև Թուրքիա-Նախիջևան երկաթուղային երթուղու հատվածը համարվում է հայկական, մուտքն ու ելքն իրականացվելու են Ադրբեջանի կողմից․ Բայրամով Ջեյհուն Բայրամովը չի բացառել, որ Հայաստանի հետ առևտրի ապրանքների տեսականին կարող է ընդլայնվել