«Ուժեղ Հայաստան»-ի համախմբման թեման ԱԺԲ-ի համար հասունացած չէ

«Ուժեղ Հայաստան» դաշինքի առաջնորդ Սամվել Կարապետյանը երկու շաբաթ առաջ հայտարարել էր, որ պատրաստվում է համախմբվել ընդդիմադիր ուժերի հետ, բայց այս անգամ ընտրելու է ճիշտ ուժերի, ովքեր իրոք ընդդիմադիր են։

Հարցի շուրջ «Իրավունք»-ը խոսել եւ շարունակում է խոսել տարբեր քաղաքական հայացքներ ունեցող ուժերի հետ՝ հետաքրքրվելով, թե, ըստ իրենց, ո՞րն է ճիշտ եւ սխալ ընդդիմություն, եւ ովքե՞ր են ստացել համախմբման առաջարկ:

Այս անգամ փորձեցինք պարզել «Ազգային ժողովրդավարական բեւեռ» կուսակցությունյան նախագահ ԺԻՐԱՅՐ ՍԵՖԻԼՅԱՆԻ տեսակետը։ Սակայն մեր զանգերին պաասխանեց Սեֆիլյանի օգնական Արմեն Լուսինյանը:

Մանրակրկիտ ներկայացնելով, թե ինչ հարցի շուրջ ենք ցանկանում խոսել կուսակցության նախագահի հետ՝ Լուսինյանը խոստացավ ուսումնասիրել թեման, ապա նոր պատասխանել։ Նա նաեւ խնդրեց, որ ներկայացնենք մյուս կուսակցությունների եւ քաղաքական ուժերի պատասխանները: Իսկ քիչ անց, գրավոր կերպով Լուսինյանը տեղեկացրեց հետեւյալը․ «Ձեր առաջարկն այս պահին` այս թեմայով հասունացած չի համարվում։ Շնորհակալություն հրավերի համար»:

Թե ինչը դեռ հասունանալու կարիք ունի՝ հարցի պատասխա՞նը, թե՞ համախմբման գաղափարը, այդպես էլ անհասկանալի մնաց: Մնացած դատողությունները թողնում ենք ընթերցողին։

ՆԱՆԱ ՍԱՐԳՍՅԱՆ

Այս թեմայով «Վարդաշեն» ՔԿՀ-ում հաղթեց «Ուժեղ Հայաստանը». Թվեր Կանազ․ մշակույթի վեհ տունը Մեր բողոքն ենք արտահայտելու Միքայել սրբազանի դեմ դատավճիռ արձակելու կապակցությամբ. հայտարարություն Բա կգժվի, բա ինչ կանի, քանզի տեսավ, թե ինչպե՜ս է ազգը հայոց Վեհափառին դիմավորում. Ալլա Հակոբյան «Ձոն չուլանին» թե՞ «Զոհ չուլանի»` ընթերցողը կորոշի...