Բա ընկեր Աղվանի պարտքը Նարեկի կողքին լինելը չէ՞ր

2026 թվականի խորհրդարանական ընտրություններից առաջ՝ «Հայաստան» խմբակցության պատգամավոր ԱՂՎԱՆ ՎԱՐԴԱՆՅԱՆՆ իր հարցազրույցներից մեկում բառացի ասել էր. «Եթե ես մասնակցեմ ընտրություններին եւ ընդդիմության մեջ լինեմ, բայց իշխանությունը լինի Նիկոլ Փաշինյանը, ես մանդատից կհրաժարվեմ»։ Սակայն, ընտրություններից հետո՝ նա արագորեն վերանայեց իր որոշումն ու հանդես եկավ սրտաճմլիկ գրառումով․ «Խոսքը խոսք է, բայց ավելի կարեւոր է պարտքի գիտակցումը։ Այս փուլում իմ պարտքն է` լինել թիմի հետ: Հատկապես՝ Իշխան Սաղաթելյանի եւ Նարեկ Կարապետյանի կողքին»։

Իհարկե, այստեղ կարելի էր նույնիսկ հուզվել, բայց ընտրություններից չորս ամիս անց այս հայտարարությունը ոչ միայն զարմանալի, այլեւ զվարճալի տպավորություն է թողնում։ Նարեկ Կարապետյանը «բլիժնի բոյ» է մտնում իշխող ՔՊ-ի հետ, կողքերը թռչում են խորհրդարանական աթոռ ու շիշ, բայց ընկեր Աղվանը չկա ու չկա, կողքերը միայն քացի տվող ՔՊ-ականներն են։

Կարո՞ղ է Աղվան Վարդանյանը սպասում է նոր օրենսդրական փաթեթով 2027 թ.-ի հունվարի 1-ից աշխատավարձն 80 տոկոսով բարձրանա, որ «քեշով» փակվի «պարտքը», ինչի մասին լիրիկական գրառումներ էր անում ընտրություններից հետո ու էլ չլինի թիմի հետ։

ՀՐԱՆՏ ՍԱՐԱՖՅԱՆ

Այս թեմայով Շախմատը միշտ եղել է իմ հետաքրքրությունների շրջանակում. Երեւանի շախմատի ֆեդերացիայի նախագահի առաջին հարցազրույցը ԹՐԻՓՓ-ի անվան տակ Հայաստանին ներկայացվածը բոլորովին այլ փաստաթուղթ էր․ Էդգար Ղազարյան «Ժողովուրդ». Ի՞նչ ունի «ուժեղ» պատգամավոր Անուշավան Մանուչարյանը «Ուժեղ Հայաստանի» գյումրեցի պատգամավորը խնայեց մարզպետին Երբ աթոռն ու շիշը ԱԺ-ում վերածվում են ԱԹՍ-ի․ ԶԱՐՄԱՆՔ