ՔՊ-ում հաշտ չեն, որ Տիգրան Ավինյանը լինի նորից իրենց թեկնածուն․ Ստեփանյան

Ըստ մամուլում տարածված լուրերի՝ Երեւանի քաղաքապետ Տիգրան Ավինյանի ամենամեծ մրցակիցը շարունակում է մնալ ԱԺ նախկին նախագահ, այժմ՝ Անվտանգության խորհրդի քարտուղար Ալեն Սիմոնյանը, որը հավակնում է լինել հաջորդ քաղաքապետը: Նման խոսակցություններ եւ դրանից բխող խմորումներ կա՞ն քաղաքապետարանում, «Իրավունք»-ը հետաքրքրվեց Երեւանի ավագանու «Մայր Հայաստան» խմբակցության անդամ ԳԵՎՈՐԳ ՍՏԵՓԱՆՅԱՆԻՑ։

— Ես էլ եմ տեսել տարբեր լրատվականներում նման լուրեր: Թող փորձեն, խնդիր չկա, բայց ես վստահեցնում եմ Ձեզ՝ «Քաղաքացիական պայմանագիր» կուսակցությունում չկա այն անձնավորությունը, ով կարող է Տիգրան Ավինյանին փորձել իր կամքին հակառակ պոկել քաղաքապետի փոքրամասնության աթոռից։

Իսկ ինչ վերաբերում է ընտրություններին, ապա ասեմ, որ ընդամենը տարիուկես կամ երկու տարի է մնացել հերթական ընտրություններին։ Չնայած՝ միանշանակ կարծում եմ, որ կգնան արտահերթ ընտրությունների։ Իրենց ներքին խոհանոցում, ես վստահ եմ, որ Տիգրան Ավինյանը կռիվ է տալու, որ նորից ինքը դառնա թեկնածուն, բայց այնտեղ ուրիշ խմորումներ են գնում։ «Քաղաքացիական պայմանագրում», այսպես ասած, հաշտ չեն, որ Տիգրան Ավինյանը լինի նորից իրենց թեկնածուն: Բայց ես վստահ եմ՝ ինքն իրենց մեջ ավելի ուժեղ է, քան ովքեր ցանկություն ունեն առաջադրվելու։

ՆԱՆԱ ՍԱՐԳՍՅԱՆ

Այս թեմայով Ովքեր են Գևորգ Ստեփանյանի մեքենան հրկիզելու պատվիրատուները․ բացառիկ մանրամասներ․ «Իշխանություն» Եթե չկա իրենց ընդդիմադիր կամ իրենց հետ մրցող ուժ, ո՞ւմ են հաղթել․ Ստեփանյան Պատմության մասին Փաշինյանի ձեւակերպումները տարակուսանք են առաջացրել անգամ պատմաբանի մոտ Գերիների հարցը Երեւանում շատ քիչ է հանրային պահանջի առարկա դառնում․ Ստեփանյան «30 տարի այդտեղ ապրել են, հիմա որոշել են քանդել». 11-հոգանոց ընտանիքը մնացել է դրսում. Ստեփանյան